اقتوبە وبلىسىنىڭ جاڭا برەندىن دايىنداۋ جۇمىسى ەكى ايعا سوزىلدى. مەملەكەتتىك ساتىپ الۋدان سوڭ جەڭىمپاز انىقتالىپ, ديزاينەرلەر ەكى اي بويى ءوڭىر تاريحى مەن مادەنيەتىن, سالت-ءداستۇرىن ايقىندايتىن ەرەكشەلىكتەردى ىرىكتەدى. بارىس, كيىك تە لوگوتيپكە سالىنۋى مۇمكىن جانۋارلار ساناتىنا كىرگەن. ال قىزعالداقتى اقتوبەدەن بۇرىن شىمكەنت ءوز برەندىنە اينالدىرعان.
«حالىقارالىق ارەناداعى ءيميدجدى قالىپتاستىرۋ, تانىمالدىعىن ارتتىرۋ, اقتوبەلىكتەردىڭ ءپاتريوتيزمىن نىعايتۋ ماقساتىندا اقتوبە وبلىسىنىڭ وڭىرلىك برەندى انىقتالدى. برەند دايىنداۋ كەزىندە ساراپتامالىق كەڭەس قۇرىلىپ, وعان ساۋلەت, ديزاين, اقپاراتتىق-كوممۋنيكاتسيالىق تەحنولوگيا, ماركەتينگ سالاسىنىڭ ساراپشىلارى كىردى. بارلىعى 45 نۇسقا جاسالدى»,- دەدى وبلىستىق ءماسليحات حاتشىسى, ساراپتاما كەڭەسىنىڭ ءتورايىمى ءسانيا قالدىعۇلوۆا.
برەند دايىنداۋ جۇمىستارى كەزىندە جەرگىلىكتى تۇرعىندار اراسىندا ساۋالناما جۇگىزىلدى.
«باسقا دا وڭىرلەردىڭ تاجىريبەسى قاراستىرىلدى. وڭتۇستىك قازاقستان وبلىسى, استانا, الماتى قالالارى دامىعان ەلدەردىڭ برەندتەرىن قاراپ, ءوز وڭىرىمىزگە كەلەتىن الگوريتم دايىندالدى. حالىق اراسىندا ساۋالناما جۇرگىزىلدى. تاريح, مادەنيەت, سالت-ءداستۇر مەن وبلىس ەرەكشەلىگى ەسكەرىلدى. ءۇشىنشى كەزەڭدە ينتەرنەت ارقىلى داۋىس بەرىلدى. الەۋمەتتىك جەلى پايدالانىلدى»,- دەدى اقتوبە وبلىستىق سىرتقى بايلانىستار جانە تۋريزم باسقارماسىنىڭ باسشىسى ەرمەك كەنجەحان ۇلى.
سارى, قىزعىلت سارى, قىزىل. ءۇش ءتۇس تاڭدالىپ, ا ءارىپى بەينەلەنگەن لوگوتيپ ەندى اقتوبەنىڭ برەندى بولادى.
«برەند قاراپايىم ءارى ەرەكشە بولۋى كەرەك. اقتوبەنىڭ لوگوتيپىندە ا ءارپى بەينەلەنگەن. ءارىپ قوشقار ءمۇيىز ويۋىمەن ۇشتاستىرىلدى. اشىق ءۇش ءتۇس تاڭدالدى. قىزىل, قىزعىلت سارى مەن سارى. بۇل ءۇش ءتۇس ءوڭىر تۇرعىندارىنىڭ سالت-ءداستۇرىن, مىنەزى مەن باتىلدىعىن ايقىندايدى. سونىمەن قاتار, «اقتوبە - قۇتتى مەكەن» جازۋى قالادى. ەندىگى جۇمىس - برەندتى تانىمال ەتۋ», دەدى ديزاينەر عاسىرجان ومارباەۆ.
