تانىمال اكتەردى حالىقارالىق اۋەجايدان قر مادەنيەت جانە سپورت ۆيتسە-ءمينيسترى اسقار باتالوۆ جانە «ەۋرازيا» ءحىىى حالىقارالىق كينوفەستيۆالىنىڭ پرەزيدەنتى ايمان مۇساقوجاەۆا كۇتىپ الدى.
«ەۋرازيا» ءحىىى حالىقارالىق كينوفەستيۆالى ءوز جۇمىسىن جالعاستىرۋدا. بىرنەشە كۇننىڭ ىشىندە بىرقاتار فيلمدەر لەگى قارالدى. جوباعا 101 فيلم قاتىسۋدا. ال, فەستيۆال اياسىندا جالپى 296 كارتينا ۇسىنىلعان. ءبىزدىڭ كينوفورۋمعا تانىمال گولليۆۋدتىق جۇلدىزدار نيكولاس كەيدج, ەدريان بروۋدي قاتىسقان بولاتىن. ال, بۇگىن تانىمال گولليۆۋد اكتەرى دجون مالكوۆيچ ارامىزعا قوسىلدى. ول كينوفەستيۆالدىڭ جابىلۋ سالتاناتىنا كەلدى, جەڭىمپازداردى ماراپاتتاۋ راسىمىنە قاتىساتىن بولادى. مەن ونى ءبىزدىڭ تالانتتى جاستاردى كينو الەمىندەگى جاڭا جەتىستىكتەرگە ۇمتىلۋعا جەتەلەيتىنىنە سەنەمىن», - دەپ اتاپ ءوتتى ايمان مۇساقوجاەۆا ءوز سوزىندە.
تانىمال اكتەر دجون مالكوۆيچ قازاقستانعا وسىمەن ەكىنشى رەت كەلىپ وتىر. بىرنەشە جىل بۇرىن ول الماتىداعى قازاقستان-امەريكا بىرلەسكەن كينوفەستيۆالىنە قاتىسقان بولاتىن.
«مەن الماتىدا 2010 جىلى بولدىم. ال, بۇل جىلى العاش رەت «ەۋرازيا» حالىقارالىق كينوفەستيۆالىنە قاتىساتىن بولامىن. بۇگىن وسى جەردە بولعانىما وتە قۋانىشتىمىن. ايتا كەتۋ كەرەك, مەن قازاقستاندىق كينو جونىندە از بىلەمىن. دەگەنمەن, ەرمەك شىنارباەۆ سياقتى قازاقستاندىق تانىمال كينورەجيسسەرلەرمەن بىرنەشە رەت كەزدەسكەن بولاتىنمىن. ول مەن قاتىسقان فەستيۆالدە ءوز ءفيلمىن ۇسىندى», دەيدى گولليۆۋدتىق جۇلدىز دجون مالكوۆيچ.
ەستەرىڭىزگە سالساق, «ەۋرازيا» كينوفەستيۆالى جۇمىسىن 2017 جىلدىڭ 22 شىلدەسىنەن باستادى, 28-شىلدەگە دەيىن سوزىلادى.
