بۇل بۇۇ دامۋ باعدارلاماسى بويىنشا قولعا الىنىپ وتىرعان شارا. جوبانىڭ وسى سالاداعى ۇلتتىق ساراپشىسى تولەباي ءادىلوۆتىڭ ايتۋىنشا, اتالمىش پروبلەمامەن بۇۇ دامۋ باعدارلاماسى 2015 جىلدان بەرى اينالىسىپ كەلەدى. مىنە, سول ۋاقىتتا «تومەن كومىرتەكتى دامۋعا ورنىقتى قالالار» اتتى كەڭ كولەمدى جوبا قولعا الىنعان ەدى. ونىڭ قۇرامىنا قازاقستاننىڭ 15 شاعىن جانە ءىرى قالالارى كىرسە, ونىڭ ىشىندە سەمەي نەگىزگىلەرىنىڭ ءبىرى بولىپ سانالدى.
– ءبىز رەسپۋبليكانىڭ ءار تۇكپىرىندەگى تۇرعىندارمەن جانە جۇرتشىلىق وكىلدەرىمەن پىكىرلەسە كەلە, قازاقستاننىڭ ەكولوگيالىق پروبلەماسىن شەشىپ, تابيعي جانە حالىقارالىق ءتۋريزمدى دامىتۋ ءۇشىن وسى جوبانىڭ ايقىن قاجەتتىلىگىن سەزدىك, – دەدى تولەباي ءادىلوۆ. – ەلباسىمىز جاسىل ەكولوگيا دەپ ۇسىنىپ وتىرعان جوبانى ءتۇرلى دەڭگەيدەگى اكىمدەردىڭ تۇسىنە المايتىندىعىن دا بايقادىق. اۋاعا كومىرقىشقىل گازىنىڭ شىعۋىن ازايتۋ ەلىمىزدى الەمدەگى ەڭ دامىعان 30 ەلدىڭ قاتارىنا قوسادى. بىراق, قازىر قازاقستان اتموسفەراعا زياندى قالدىقتار شىعارۋدىڭ كوشباسشىسى بولىپ قالىپ تۇر. سوندىقتان دا قازىر ەلىمىزدە قوعامدى ەكولوگيالىق پروبلەمالارعا نازار اۋدارتۋ ءۇشىن ءىرى اقپاراتتىق جۇمىس توبى ىسكە كىرىسكەن.
– ادامنىڭ ۇعىمىن, ساناسىن وزگەرتۋدە قوعامنىڭ ورنى ەرەكشە, – دەدى پارلامەنت ءماجىلىسىنىڭ IV جانە V شاقىرىلىمىنىڭ دەپۋتاتى, بۇگىندە بۇۇ دامۋ باعدارلاماسىنىڭ وسى تاقىرىپ بويىنشا كەڭەسشىسى ايگۇل سولوۆەۆا, – قوعامدىق ۇيىم وكىلدەرى زاڭ جارعىلارىن ءتيىمدى پايدالانىپ, تۇرعىندارمەن جانە اتقارۋشى بيلىكپەن جۇمىس جۇرگىزە ءبىلۋ كەرەك.
راۋشان نۇعمانبەك
سەمەي
سۋرەتتى تۇسىرگەن اۆتور
