وسىعان وراي ورتالىق كوممۋنيكاتسيالار قىزمەتىنىڭ اقپاراتتىق الاڭىندا جامبىل وبلىسى اكىمىنىڭ ورىنباسارى ەرقانات مانجۋوۆتىڭ, اۋىل شارۋاشىلىعى باسقارماسىنىڭ باسشىسى نۇرجان نۇرجىگىتوۆتىڭ, مادەنيەت, ارحيۆتەر جانە قۇجاتتاما باسقارماسىنىڭ باسشىسى دۇيسەنالى بىقىباەۆتىڭ قاتىسۋىمەن ءباسپاسوز ءماسليحاتى بولىپ ءوتتى.
سپيكەرلەردىڭ سوزىنشە « ۇلى جىبەك جولى. كونە تارازدان اسقاق استاناعا تارتۋ» كەرۋەنى 20 مامىردا جولعا شىققان. كەلىستى كەرۋەن جامبىل جانە قاراعاندى وبلىستارىنداعى 10 ەلدى مەكەنگە ايالداپ, ءار جەردە كيىز ۇيلەر تىگىلىپ, ۇلكەن ساحنالاردا ءتۇرلى شارالار ۇيىمداستىرىلعان. ەكى ايلىق جول جۇرگەن كەرۋەن 26 شىلدەدە استانا قالاسىنا ات باسىن تىرەيدى. كەرۋەندى قارسى الۋ شارالارى «حان شاتىر» ويىن ساۋىق ورتالىعىنىڭ «عاشىقتار ساياباعىندا» وتەدى.
د.بىقىباەۆتىڭ ايتۋىنشا, وبلىس كۇندەرىنىڭ اشىلۋ سالتاناتىنا وراي ەكسپو اۋماعىنداعى «امفيتەاتردا» وبلىستىق فيلارمونيانىڭ «اۋەنى اسەم اۋليەاتا!» اتتى مەرەكەلىك كونتسەرتى قويىلادى. اتاپ ايتقاندا, بەس كۇن بويى بەكىتىلگەن كەستەگە سايكەس «حان شاتىر» ويىن-ساۋىق ورتالىعى جانىنداعى «عاشىقتار ساياباعىندا» وبلىستىق فيلارمونيانىڭ, وبلىستاعى جوعارى وقۋ ورىندارىنىڭ, اۋداندار مەن تاراز قالاسى ونەرپازدارىنىڭ قاتىسۋىمەن كونتسەرتتىك باعدارلامالار, ۇلتتىق سالت-ءداستۇر كورىنىستەرىنىڭ قويىلىمدارى كورسەتىلەدى.
ال 29-30 شىلدە كۇندەرى باس قالاداعى «قازانات» يپپودرومىندا قالا تۇرعىندارى مەن قوناقتارعا ۇلتتىق ات سپورتى تۇرلەرى كوكپار, اۋدارىسپاق, تەڭگە ءىلۋ, جامبى اتۋ ويىندارىنىڭ كورسەتىلىمدەرى ۇيىمداستىرىلىپ حالىق نازارىنا ۇسىنىلادى. «ەتنواۋىل» قالاشىعى ماڭىندا قازاق كۇرەسى, اسىق اتۋ, بەس تاس, توعىزقۇمالاق, الاڭداعى توعىزقۇمالاق ويىندارىنىڭ كورسەتىلىمىمەن قاتار قۇسبەگىلىك جانە تازى, توبەت يتتەر كورمەسى ۇيىمداستىرىلادى. ال-
عاش رەت كوماندالىق الاڭداعى توعىزقۇمالاق ويىنىنىڭ تۇساۋكەسەر ءراسىمى وتكىزىلەدى.
«سونىمەن بىرگە وبلىستىق فيلارمونيانىڭ «اۋليەاتادان ءان شاشۋ», وبلىستىق قازاق دراما تەاترىنىڭ «قىز جىبەك» ساۋندترەگى, «الاتاۋ» فولكلورلىق ءانسامبلىنىڭ «عاسىرلار اۋەنى» اتتى كونتسەرتى جانە ەلىمىزگە تانىمال اقىندار مەن انشىلەردىڭ بىرلەسكەن ء«بىر اۋەن, ءبىر ولەڭ» اتتى ءان-جىر كەشى وتكىزىلەدى. 30 شىلدەدە «حان شاتىر» ويىن-ساۋىق ورتالىعى جانىنداعى الاڭدا «جامبىلىم قانداي تاماشا!» اتتى شىعارماشىلىق كونتسەرت بەرىلىپ, جامبىل وبلىسى كۇندەرىنىڭ جابىلۋىنا ارنالعان وبلىس ونەرپازدارى مەن جامبىل وڭىرىنەن شىققان بەلگىلى ەسترادا جۇلدىزدارىنىڭ قاتىسۋىمەن گالا-كونتسەرت ۇيىمداستىرىلادى», دەدى مادەنيەت, ارحيۆتەر جانە قۇجاتتاما باسقارماسىنىڭ باسشىسى دۇيسەنالى بىقىباەۆ.
سونداي-اق ەكسپو-2017 حالىقارالىق كورمەسى اياسىندا استانا قالاسىنداعى جامبىل وبلىسىنىڭ كۇندەرىنە وراي شىلدە ايىنىڭ 29-30 جۇلدىزىندا اۋىلشارۋاشىلىق ونىمدەرىنىڭ كورمە-جارمەڭكەسى وتەتىن بولادى.
راۋان قايدار,
«ەگەمەن قازاقستان»
