قارىشتى دامۋ كەپىلى

كەشە پارلامەنت سەناتىندا «پارلامەنتاريزم – ەگەمەندىكتىڭ جانە تاۋەلسىز قازاقستاننىڭ قارىشتى دامۋىنىڭ كەپىلى» تاقىرىبىنا ارنالعان كونفەرەنتسيا بولدى, دەپ حابارلادى وسى پالاتانىڭ ءباسپاسوز قىزمەتى. شاراعا پارلامەنت دەپۋ­تات­تارى, كونستيتۋتسيالىق كەڭەستىڭ, پرەزيدەنت اكىمشىلىگىنىڭ, جو­عار­عى سوت­تىڭ, پروكۋراتۋرا, ادىلەت ورگان­دارى­نىڭ, عىلىمي ورتا­لار­دىڭ وكىلدەرى قاتىستى. كونفەرەنتسيانى اشا كەلىپ, زاڭ­ناما جانە قۇقىقتىق ماسە­لە­لەر كو­مي­تەتىنىڭ توراعاسى بەرىك يماشەۆ قازاقستانداعى حالىق وكىلدىگى ور­گا­ن­ىنىڭ دامۋ ساتى­لا­رىنا نازار اۋ­داردى جانە پرەزيدەنت ن.نازار­باەۆ­تىڭ باستاماسى بويىنشا 2007 جىلى جۇزەگە اس­قان كونستيتۋتسيا­لىق رەفورما­لار­داعى پارلامەنتاريزمدى نىعاي­تۋ­دىڭ ءرولى تۋرالى اتاپ ءوتتى. پارلامەنتتىك جانە قوعامدىق باقىلاۋدى ودان ءارى كۇشەيتۋ ءما­سە­لەلەرىنە قاتىستى سەناتور جو­عار­عى جانە جەرگىلىكتى وكىلدى ورگانداردىڭ رەسپۋبليكالىق بيۋدجەتتى باقىلاۋ جونىندەگى ءوزارا ءىس-قيمىلىن جەتىلدىرۋدى جاقتاي­تىنىن ايتتى. كونفەرەنتسياعا قاتىسۋشى­لار­عا ار­ناپ ءسوز سويلەگەن سەنات ءتور­اعا­سى­نىڭ ورىنباسارى الەكساندر سۋدين قازاقستانداعى پارلامەن­تا­ريزمنىڭ قا­لىپتاسۋى مەن دا­مۋىنداعى ەلباسى نۇرسۇلتان نا­زارباەۆتىڭ نەگىزگى رولىنە نازار اۋداردى. توراعا ورىن­باسارىنىڭ اي­تۋىنشا, بۇل تالقىلاۋ قازاق­ستانداعى وكىلدى بيلىكتى ودان ءارى دامىتۋ جانە نىعايتۋ ءۇشىن وتە پايدالى بولاتىنى داۋسىز. كونفەرەنتسيادا ءسوز العان كونس­تيتۋتسيالىق كەڭەس توراعاسى ي.روگوۆ, جوعارعى سوت توراعاسى ب.بەكنازاروۆ, كونستيتۋتسيالىق كەڭەستىڭ مۇشەسى ۋ.ستامقۇلوۆ, پارلامەنت ءماجىلىسىنىڭ دەپۋتاتى ن.تۋرەتسكي, زاڭناما ينس­تيتۋ­تى­نىڭ ديرەكتورى ج.بۇسىر­مانوۆ, بوكەتوۆ اتىنداعى قارمۋ كونس­تيتۋتسيالىق جانە حالىقارالىق قۇ­قىق كافەدراسىنىڭ مەڭگەرۋ­شى­سى س.اماندىقوۆا پارلامەنت­اريزم­نىڭ قازاقستاندىق ۇلگىسىنە, پارلامەنتتىك باقىلاۋ مەن پارلامەنتتىك ءراسىم­دەر­گە, زاڭنامالىق ۇدەرىستەردى دامى­تۋ­دىڭ كەلەشەگىنە نازار اۋداردى.