ەجەلگى قالا - سيناننىڭ باستى الاڭىندا جۇرتشىلىق ماڭعىستاۋ وبلىسىنىڭ «Aktau Motosport» راللي-كومانداسىنىڭ ەكيپاجىن قىزۋ قول شاپالاقتاپ قارسى الدى. ولار ءبىرىنشى رەت ترانسقۇرلىقارالىق اۆتوموبيل مارافونىنا قاتىسىپ, ت2 ساناتىنداعى (جولسىزبەن جۇرەتىن كولىكتەر) جارىستا جەڭىمپاز اتاندى.
اۆتوشاباندوزدار كيريلل چەرنەنكوۆ پەن الەكسەي مۋن ماسكەۋ مەن سيان ارالىعىنداعى 10 مىڭ شاقىرىمدى ءبىرىنشى بولىپ باعىندىردى.
«وتە كۇردەلى بولدى. ءبىز الدىمىزعا ءبىر عانا ماقسات قويدىق. ول - سيانداعى مارە سىزىعىن قيۋ. ءبىزدى قولداعان بارشا جانعا راحمەت ايتقىمىز كەلەدى», دەيدى كيريلل چەرنەنكوۆ.
