«قازاقستان اۋماعىنداعى كينوجوبالارعا قۋانا-قۋانا قاتىسار ەدىم», - دەدى اكتەر.
گولليۆۋد كينوسىنىڭ مايتالمانى قازاقستان استاناسىنا جوعارى باعا بەردى.
«استانانىڭ ساۋلەتىنە قاراپ, ەرەكشە ءلاززات الدىم. مەن كورگەن بۇگىنگى قالا بولاشاققا بولجام جاساعان ەسكى اق-قارا ءتۇستى ءفيلمدى ەسكە سالدى», دەپ اتاپ ءوتتى ول. قازىرگى ۋاقىتتا اكتەر بيۋدجەتى كىشىگىرىم جاڭا جوبامەن جۇمىس ىستەپ جاتقان كورىنەدى.
«مەن اكتەر رەتىندەگى ءوز مانسابىمدى تاۋەلسىز كينولاردان باستاعانمىن. قازىر كوسماتوس اتتى جاڭا رەجيسسەرمەن «مەندي» ءفيلمىن ءتۇسىرىپ جاتىرمىز. ماعان بيۋدجەتى شاعىن, بىراق تۇتاس كينەماتوگرافياعا ەرەكشە تاسىلمەن كەلەتىن فيلمدەر ۇنايدى», دەيدى كەيدج.
سونداي-اق, كينو اڭىزى ءوزى ويناعان جانىنا ەڭ جاقىن كەيىپكەر تۋرالى ايتىپ بەردى.
«ماعان كۇردەلى رولدەر ۇنايدى. ءۇش-ءتورت جىل بۇرىن «دجو» فيلمىنە ءتۇستىم, سونداعى كەيىپكەر ومىردەگى وزىمە قاتتى ۇقسايدى», دەدى ول.
ايتا كەتەيىك, بۇگىن «قازاقستان» ورتالىق كونتسەرت زالىندا «ەۋرازيا» كينوفەستيۆالىنىڭ اشىلۋ سالتاناتى وتەدى. وعان «ا» ساناتىنداعى نيكولاس كەيدج, ەدريەن بروۋدي, دجون مالكوۆيچ سىندى تانىمال الەمدىك جۇلدىزدار قاتىسادى. كينوفەستيۆال اياسىندا كينو ونەرىنىڭ الەمدىك جۇلدىزدارى شەبەرلىك ساباقتارىن وتكىزەتىن بولادى.
