كەشە...

...«قاندى 37» كىتابىنىڭ تۇساۋكەسەرى ءوتتى قارلاگ قاسىرەتى اقيقاتىن اشۋ­دا كوپ جىلدان بەرى قالام تەربەپ جۇرگەن تانىمال جۋرناليست ەكاتەرينا كۋزنەتسوۆانىڭ بۇل كولەمدى ەڭبەگىنە 12 وچەرك ەن­گەن. «نۇر وتان» حدپ وب­لىس­تىق فيليالىنىڭ ءماسليحات زا­لىن­­دا وتكەن كەزدەسۋدە اۆتور كى­تاپ­­تىڭ جازىلۋ تاريحىن بايان ەتتى. اتالعان تۋىندىنىڭ ءبىر ەرەكشەلىگى – اتۋ جازاسىنا كەسىلىپ, قازا تاپقان تۇرعىلىقتى حا­لىق وكىلدەرىنىڭ تولىق ءتىزىمى بەرىلگەن. تۇساۋكەسەردە ءسوز ءسوي­لەگەن ورىكباي كارىبوزوۆ اتاسى كارىبوز شەكتىباەۆتىڭ 1930-1932 جىلدارى قاراعاندى قالا­لىق كەڭەسىنىڭ ءبىرىنشى توراعاسى بولعانىن, سولتۇستىك قازاق­ستان­دا جاۋاپتى قىزمەتتە جۇرگەندە قۋعىن-سۇرگىنگە ۇشىراعانىن اتال­عان كىتاپتان وقىپ بىلگەنىن ايتىپ, قالامگەرگە ريزاشى­لى­عىن ءبىلدىردى. ايقىن نەسىپباي, قاراعاندى.   ...فەستيۆال باستالدى ەكىباستۇزدىڭ قالا جانە اۋىل­دىق اۋماقتارىنىڭ شىعار­ما­شىلىق جانە كوركەمونەر­پاز­دار ۇجىمدارى جۇرتشىلىقتى ەل تاۋەلسىزدىگىنىڭ 20 جىل­دى­عىنا ارنالعان ءان مەرەكەسىنە شا­قىردى. ءار اۋىلدان كەلگەن ءان­شىلەر توبى تۋعان جەر, دوس­تىق جايلى حالىق اندەرىن شىر­قادى. ال, قالالىق ونەر ۇجىم­دا­رى ءارتۇرلى تىلدەردەگى اندەردى ورىندادى. قالالىقتارعا جاق­سى تانىس «دجۋماندجي», «وچاروۆانيە» بي انسامبلدەرى دە ونەر كورسەتتى. فەستيۆال اياسىندا حالىق شەبەرلەرىنىڭ ساندىك-قول­دان­با­لى ونەر كورمەسى دە ۇيىم­داس­تى­رىلدى. سولاردىڭ اراسىندا الەكساندر كالياندانىڭ سىمنان جاساعان سۋرەتى, تاتيانا گور­با­چەۆانىڭ تىككەن ورامالى, ءناسىپ احمەتوۆا, زىليحا تولەگە­نوۆا­نىڭ حالقىمىزدىڭ ويۋلاعان ۇلت­تىق بۇيىمدارى, الينا ما­مات­دينوۆانىڭ كيىزدەن جاسال­عان كادە-سىيلارى كەلۋشىلەردىڭ كوڭىلىنەن شىقتى. وسى فەستيۆالدە ۇزدىك شىققاندار وبلىس ورتالىعىندا وتەتىن «ءانىم سەن­سىڭ, تۋعان جەر» اتتى وبلىستىق فەستيۆالگە قاتىسادى. فاريدا بىقاي, ەكىباستۇز.   ...جاستاردىڭ جيىنى بولدى ا.توقماعامبەتوۆ اتىنداعى مادەنيەت ۇيىندە جوعارى جانە ارناۋلى وقۋ ورىندارى ستۋ­دەنت­تەرىنىڭ ءوزىن ءوزى باسقارۋ جۇيەسىن دامىتۋعا بايلانىستى قوعام­دىق تىڭداۋ ءوتتى. وعان قالاداعى بار­لىق وقۋ ورىندارىنداعى بەلسەندى ستۋدەنتتەر قاتىستى. شارانى قورقىت اتا اتىنداعى قمۋ «ستۋدەنت جاستار وداعى» قوعامدىق بىرلەستىگى ۇيىم­داس­تىردى. جيىن بارىسىندا «ستۋدەنت جاستار وداعى» قوعامدىق ءبىر­لەستىگىنىڭ توراعاسى جاندوس بازارتاي, وبلىستىق ىشكى ساياسات باس­قارماسى باستىعىنىڭ ورىن­با­سارى ايدىن قايرۋللاەۆ, قا­زاقستان ستۋدەنتتەر اليانسى قى­­زىلوردا قالالىق وكىلدىگىنىڭ ديرەكتورى جاسۇلان الدابەرگەنوۆ سەكىلدى ازاماتتار بايانداما جاساپ, ستۋدەنت-جاستاردىڭ كۇر­مەۋ­لى ماسەلەلەرى توڭىرەگىندە ءسوز قوزعادى. ونان سوڭ جاستار ءبىر-ءبى­رى­مەن پىكىر الىسىپ, ءوزىن ءوزى باس­قا­رۋ جۇيەسى تۋرالى وي ءبولىستى. ەرجان بايتىلەس, قىزىلوردا.