قازىرگى تاڭدا كاسپي جاعالاۋىنداعى ەلدەر ءوزارا ىنتىماقتاستىق جۇرگىزىپ وتىر. تۇركيا جانە ماڭعىستاۋ وبلىسىنىڭ تاۋار اينالىمى 2017 جىلدىڭ ءبىرىنشى جارتىجىلدىعىندا 25,4 ملن. اقش دوللارىن قۇرادى, ول 2016 جىلمەن سالىستىرعاندا 2,6 ەسەگە ارتىق.
ينۆەستورلارمەن ۇسىنىلعان جوبانىڭ بولاشاعى زور, ويتكەنى «بيبي ەنەردجي» كومپانياسى ماڭعىستاۋ وبلىسىنىڭ ايماعىندا بيتۋمدى وڭدەۋمەن اينالىساتىن بولادى. ينۆەستيتسيا سوماسى 120 ملن. اقش دوللارى. بۇل قۇرىلىس بارىسىندا 200 جاڭا جۇمىس ورنىن جانە ىسكە قوسىلعان كەزىندە 160 ورىن اشۋعا مۇمكىندىك بەرەدى. ينۆەستورلارعا ۇسىنىلعان جەر «اقتاۋ تەڭىز پورتى» ارنايى ەكونوميكالىق ايماعىنىڭ اۋماعىندا ورنالاسقان, دەلىنگەن ءباسپاسوز حابارلاماسىندا.
ماڭعىستاۋ وبلىسى اكىمدىگى مەن «بيبي ەنەردجي», «ەنەرۆو ەنەردجي», «كاسسانوۆ ينۆەستمەنت گرۋپپ» اراسىنداعى تورتجاقتى ىنتىماقتاستىق تۋرالى مەموراندۋمعا قول قويىلدى.
كەزدەسۋدە ايماقتىڭ ينۆەستيتسيالىق الەۋەتى تانىستىرىلدى. «بيبي ەنەردجي» كومپانياسى ەلەكتر ەنەرگياسىن ساتۋ جانە ساۋدا, لوگيستيكا سالالارىندا ۇلكەن تاجىريبەسى بار الەمدىك جەتەكشى, تاۋەلسىز كومپانيالاردىڭ قاتارىنا كىرەدى. كومپانيا جىل سايىن 17 ملن. مەتريكالىق توننا شيكى مۇناي جانە ونىڭ ونىمدەرىن ساتۋدا.
- بۇگىنگى كەزدەسۋ ءبىزدىڭ ىنتىماقتاستىققا جاڭا سەرپىن بەرەتىن بولادى, ويتكەنى ءبىزدىڭ ايماق جاڭا قىزمەت سالاسىن جانە جاڭا جوبالاردى اشۋعا مۇمكىندىك بەرەدى, دەگەن ايماق باسشىسى ە. توعجانوۆ وبلىس اكىمدىگى كەز كەلگەن بىرلەسكەن باستامالارعا جانە ينۆەستيتسيانى قورعاۋ ماسەلەسىندە دە قولداۋ كورسەتۋگە دايىن ەكەندىگىن ايتتى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
