وسىعان بايلانىستى 18 شىلدەدە ساعات 18.00.-دەن باستاپ قابانباي باتىر جانە تۇران داڭعىلدارى بويىنشا, كەرەي جانىبەك كوشەسىنەن ۇلى دالا داڭعىلىنا دەيىن كولىك قوزعالىسىنا شەكتەۋ قويىلادى. بۇل تۋرالى قالالىق اكىمدىكتىڭ ءباسپاسوز قىزمەتى حابارلادى.
شەكتەۋ شارا اياقتالعانعا دەيىن جالعاسپاق. كولىكپەن ماڭگىلىك ەل, تۇركىستان جانە اقمەشىت كوشەلەرى بويىنشا جۇرۋگە كەڭەس بەرىلەدى.
قالا تۇرعىندارى مەن قوناقتارى ستاديونعا قوعامدىق كولىكتىڭ 12 تۇرىمەن جەتە الادى: № 10, 12, 27, 37, 40, 51, 53, 501, 502, 503, 505, 506.
ساعات 18.00.-دەن قالانىڭ 4 نۇكتەسىنەن «استانا ارەنا» ستاديونىنا اپاراتىن فۋتبول جانكۇيەرلەرى مەن كونتسەرت كورەرمەندەرى ءۇشىن ارنايى اۆتوبۋس ۇيىمداستىرىلادى. اۆتوبۋستار «قازاقستان» سس تۇراعى, «نۇر استانا» مەشىتى, «جاستار» سارايى مەن استانالىق تسيرك اۋماعىندا ۇيىمداستىرىلادى. جول اقىسى – 90 تەڭگە, جول بيلەتتەرى جارامسىز.
ويىندار مەن كونتسەرتتەن كەيىن قالاعا № 10, 12, 28, 40, 51, 303 قوعامدىق كولىكتەرىمەن جەتۋگە بولادى. ساعات 21.00.-دەن باستاپ قابانباي باتىر داڭعىلى بويىنشا ورنالاستقان ستاديوننىڭ تۇراعى مەن «استانا ارەنا» ستاديونى» ايالداماسىنا ارنايى اۆتوبۋستار ۇيىمداستىرىلماق. «استانا ارەنا» ستاديونىنىڭ تۇراعىنا رەسمي قالالىق تاكسي تاسىمالداۋشىلارى كەلەدى.
استانا ق. ءىىد جەرگىلىكتى پوليتسيا قىزمەتى كولىك جۇرگىزۋشىلەرگە سول كۇنى جول كەپتەلىستەرىنە تاپ بولماس ءۇشىن ارنايى باعىتتى الدىن الا ۇيىمداستىرۋعا كەڭەس بەرەدى.
قالا بيلىگى بۇقارالىق شارالاردى وتكىزۋ كەزىندە ءتارتىپ پەن تازالىق ساقتاۋعا ۇندەيدى.
