– قىمىزمۇرىندىق – ەڭ ەجەلگى مەرەكە, – دەدى «مۇسىلمان ايەلدەرى ليگاسىنىڭ» ءتورايىمى گۇلجيھان جۇماتاەۆا, – ساۋمالدى ەم رەتىندە بۋىن اۋرۋلارىنا ىشسە, ءتىپتى پايدالى. ساۋمالدان سوڭ ءبىر كۇندىك تۇنەمەل قىمىز, ەكى كۇندىك قۇنان قىمىز, ءۇش كۇندىك دونەن قىمىز, ءتورت كۇندىك بەستى قىمىز دەگەن اتاۋلارى بار. اشىعان قىمىز ءشولدى باسىپ, قانتامىردى قوردالانعان زياندى قالدىقتاردان تازارتادى. بۇيرەك پەن باۋىردى قانىقتىرىپ, قان تامىرلارىن تازالايدى.
شارانى ۇيىمداستىرۋشى «احاۋ, سەمەي» ەتنومادەني ورتالىعىنىڭ اجەلەرى مەن «مۇسىلمان ايەلدەرى ليگاسىنداعى» اق جاۋلىقتى انالار مەرەكەگە كەلگەندەردىڭ بارلىعىنا تەگىن قىمىزدى كەسەلەرىنە تولتىرا قۇيىپ بەردى. بۇل كۇنى قالا تۇرعىندارى مەن قوناقتارىنا 250 ليتر قىمىز تەگىن قۇيىلىپ بەرىلەدى. سەمەيدەگى دوستىق ءۇيىنىڭ بارلىق ەتنومادەني ورتالىقتارى, ءتۇرلى ۇلت وكىلدەرى ءوز قولدارىمەن جاساعان كوركەمونەر تۋىندىلارىنان كورمە ۇيىمداستىردى.
راۋشان نۇعمانبەكوۆا
سەمەي
سۋرەتتى تۇسىرگەن اۆتور
