ارينە, بۇلاردىڭ ءبارى دە بالدىرعانداردى ءتيىستى تولەماقىلار, ءتىپتى بىرقاتار جاعدايلاردا جوعارى باعا بويىنشا قابىلدايدى. ال اقتوبە قالاسىنداعى «اسلان-الي» جشس جەتەكشىلەرى مارتوك اۋدانىنداعى اققۇدىق اۋىلدىق وكرۋگىنە قاراستى دوستىق اۋىلىنان تەگىن بالاباقشا اشۋ جونىندە ۇيعارىم جاسادى.
«قازىرگى كەزدە بالاباقشا عيماراتى رەتىندە جالعا الىنعان داڭعاراداي بەس بولمەلى ءۇيدىڭ كۇردەلى جوندەۋ جۇمىستارى اياقتالىپ كەلەدى. جيھازدارعا تاپسىرىس جاسالعان. بالاباقشا پايدالانۋعا بەرىلگەن كەزدە وعان وسى اۋىلدىڭ ادامدارى قىزمەتكە تارتىلماق. عيمارات بالا سانىنا تارلىق ەتكەن جاعدايدا, قوسىمشا الاڭ قوسۋعا مۇمكىندىكتەر بار», دەيدى سەرىكتەستىك مەنەدجەرى سايات وڭايباەۆ.
ال بالاباقشا مەڭگەرۋشىسى ءاليا بيتۋرينانىڭ ايتۋىنشا, دوستىق اۋىلىندا 40-قا جۋىق مەكتەپ جاسىنا دەيىنگى بالا بار. ءتىپتى, كۇندەلىكتى تىرشىلىگىن قولىنداعى ازىن-اۋلاق مالمەن ايىرىپ وتىرعان كەيبىر قاراپايىم وتباسى يەلەرى بالاباقشاعا 2-3 بالاسىن قاتار بەرۋىنە تۋرا كەلمەك. وسىنداي جاعدايدا ولار اقىسىز بالاباقشا اشۋ جونىندە شەشىم قابىلداعان اقتوبەلىك كاسىپكەرگە ءدان ريزا.
تەمىر قۇسايىن,
«ەگەمەن قازاقستان»
اقتوبە وبلىسى,
مارتوك اۋدانى
