«تۇرىكمەنستاندا گازدان ەنەرگيا الۋ شارالارى كەڭىنەن دامىعان. بىزدە قۋاتتى گاز تۋربيناسى سالىندى. ەلەكتر جەلىلەرى تارتىلۋدا. سونىڭ ارقاسىندا ەنەرگيانى شەتەلگە ساتۋعا مۇمكىندىك بار. تۇرىكمەنستاننىڭ ۇلتتىق كۇنىندە ءبىز بارلىق قازاقستاندىقتاردى ءوز پاۆيلونىمىزعا شاقىرامىز. ول جەردە تۇرىكمەن حالقىنىڭ بالامالى ەنەرگيا سالاسىنداعى جەتىستىكتەرىمەن تانىسۋعا بولادى», دەدى تۇرىكمەنستاننىڭ ساۋدا-ەكونوميكالىق پالاتاسى توراعاسىنىڭ ورىنباسارى داۋلەتكەلدى رەجەپوۆ.
پاۆيلوندا ەكولوگيالىق ەلەكتر ستانساسىنىڭ جوباسىمەن تانىسۋعا مۇمكىندىك بار. ول تۇرىكمەنستاننىڭ وڭتۇستىگىندە سالىنىپ جاتىر. سونىمەن قاتار, وندا گيندۋكۋش سۋ-ەلەكتر ستانساسىنىڭ ماكەتى ورنالاسقان. اتالعان ستانسانىڭ جۇمىس ىستەپ جاتقانىنا 100 جىلدان اسىپتى, ءتىپتى ءبىراز قۇرال-جابدىقتارى سول كەزدەن بەرى ءالى ساقتالعان.
پاۆيلوننىڭ تاقىرىبى – «تابيعات – شەكسىز ەنەرگيانىڭ كوزى». «بالامالى ەنەرگيانى قاراقۇم شولىندە كوپتەپ وندىرۋگە بولادى. بۇدان بولەك, ءبىزدىڭ عالىمدارىمىز ەكولوگيالىق تازا فەرمانىڭ ۇلگىسىن ويلاپ تاپتى», دەدى د.رەجەپوۆ.
