الەم چەمپيوناتىندا ءالسىز بوكسشى جوق

قازاقستان ۇلتتىق قۇراماسىنىڭ باس باپكەرى مىرزاعالي ايتجانوۆپەن مولتەك سۇحبات – بوكستان ءوتىپ جاتقان الەم چەمپيوناتى بەل ورتا­سىنا كەلدى. ءبىزدىڭ بوكسشىلار­دىڭ جەكپە-جەكتەرى تۋرالى نە ايتار ەدىڭىز؟ – الدىمەن باسىنان باستاپ ايتايىن. بىزگە جەرەبەنىڭ ەڭ قيى­نى ءبىرجان جاقىپقا ءتۇس­تى. ول كەزىندە كۋبا بوكس­شىسىن ۇتقان بولا­تىن. بىراق, كۋبا­نىڭ اتى كۋبا عوي. ول جەردە بوكس جاقسى دا­مى­عان. كۋبا – الەمدەگى بوكس جاق­سى دامىعان دەرجاۆا­لار­دىڭ ءبىرى. بوستان­دىق ەلىنىڭ بوكسشىسىن ءبىر­جان ءبىر رەت جەڭسە دە ونى وڭاي قارسىلاس دەۋگە بولماي­دى. كەزىندە كۋبالىقتارمەن ەرماحان ىبى­رايىموۆ, نۇر­جان سمانوۆ, بولات جۇ­مادىلوۆ, باقتيار ارتاەۆ, با­قىت سارسەكباەۆ كەزدەسكەن. ءبىرجان كۋبالىق­پەن ەكىنشى, ءۇشىنشى رەت جولى تۇيىسسە, جاقسى بولار ما دەپ ويلاي­مىن. وسى چەمپيوناتتا ءبىرجان بار مۇمكىندىگىن بەرىپ قويدى. ۇلتتىق قۇرامانىڭ باپكەرلەرى وعان ءۇمىت ارتقان ەدى. ءبىز ول تەك جولداما ەمەس, جۇلدە الا ما دەپ ويلاعانبىز. ءومىر دەگەن وسى. ءار نارسەنىڭ ءسۇيىنىشى مەن كۇيىنىشى بولادى. – جىگىتتەردىڭ مۇمكىندىگى قان­داي دەپ ويلاي­سىز؟ كىمنىڭ التىن, كۇمىس, قولا مەدالگە ءۇمىتى بار؟ نيازىمبەتوۆ, سۋجانوۆ, ەلەۋسىنوۆ چەم­پيو­ناتقا العاش رەت قا­تىسىپ وتىر. ولاردىڭ جۇلدەگە ىلىگۋگە مۇمكىندىگى بار ما؟ – ءبارى ەكىنشى, ءۇشىنشى كەزدەسۋلەرىنەن كەيىن اشىلادى. سول كەزدە كىمنىڭ قانداي مۇمكىندىگى بار ەكەنى كورىنەدى. بوكسشى­لارى­مىزدان ءۇمىت كۇتەمىز, ارينە. ءبارى جاقسى دايىن­دىقپەن كەلدى. اسىرەسە, دىچكو تۋرا­لى ايتسام, ونىڭ وسىدان ەكى-ءۇش جىل بۇرىن سالماعى 97 كيلو بولا­تىن. قازىر 104 كيلو. ەكى جىلدا ەسەي­دى. بويى مەن سالماعى سايكەس كەلىپ تۇر. ونىڭ دا جۇلدەگە دامەسى بار. باسقا نە ايتايىن, ءبارىن شار­شى الاڭ كورسەتەدى عوي.