سەنات بيۋروسىنىڭ وتىرىسى ءوتتى

كەشە پارلامەنت سەناتىنىڭ توراعاسى قايرات ءماميدىڭ توراعالىق ەتۋىمەن بولعان پارلامەنت سەناتى بيۋروسىنىڭ وتىرىسىندا ءماجىلىس ماقۇلداعان زاڭ جوبالارى كوميتەتتەر مەن سەنات اپپاراتىنا بەرىلدى, دەپ حابارلادى سەناتتىڭ ءباسپاسوز قىزمەتى. وتىرىستا قارجى جانە بيۋد­جەت كوميتەتى «قازاقستان رەس­پۋب­ليكاسىنىڭ كەيبىر زاڭنا­ما­لىق اكتىلەرىنە بانك قىزمەتىن جانە قارجى ۇيىمدارىن تاۋەكەل­دەردى ازايتۋ تۇرعىسىنان رەتتەۋ ءما­سەلەلەرى بويىنشا وزگەرىستەر مەن تولىقتىرۋلار ەنگىزۋ تۋ­رالى» زاڭ جوباسى بويىنشا نەگىزگى كوميتەت بولىپ بەلگىلەندى. ال زاڭناما جانە قۇقىقتىق ماسەلەلەر جانە حالىقارالىق قاتىناستار, قورعانىس جانە قاۋىپ­سىز­دىك كوميتەتتەرى تيىسىنشە «قا­زاقستان رەسپۋبليكاسى مەن بىرىككەن اراب امىرلىكتەرى ارا­سىن­داعى قىلمىستىق ىستەر بويىنشا ءوزارا قۇقىقتىق كومەك كورسەتۋ تۋرالى كەلىسىمدى راتيفيكاتسيالاۋ تۋرالى» جانە «قازاقستان رەس­پۋب­ليكاسىنىڭ ۇكىمەتى مەن قىر­عىز رەسپۋبليكاسىنىڭ ۇكىمەتى اراسىنداعى وتەۋسىز اسكەري-تەح­نيكالىق كومەك كورسەتۋ تۋرالى كەلىسىمدى راتيفيكاتسيالاۋ تۋرا­لى» زاڭ جوبالارى بويىنشا نەگىزگى كوميتەتتەر بولىپ بەلگىلەندى. بيۋرو وتىرىسىندا سونداي-اق بيىلعى 6 قازاندا بولاتىن سە­نات­تىڭ كەزەكتى وتىرىسىنىڭ كۇن ءتار­تىبى تۋرالى ۇسىنىستار دا قارال­دى. الداعى جالپى وتىرىستا «2011-2013 جىلدارعا ارنالعان رەسپۋبليكالىق بيۋدجەت تۋرالى» زاڭعا وزگەرىستەر مەن تولىقتى­رۋ­لار ەنگىزۋ تۋرالى» زاڭ جوباسىن تالقىلاۋ جوسپارلاندى. ال «نەكە (ەرلى-زايىپتىلىق) جانە وت­با­سى تۋرالى» كودەكستىڭ جوباسى, سونداي-اق «قازاقستان رەسپۋبلي­كا­سىنىڭ كەيبىر زاڭنامالىق اكتىلەرىنە ۇيىمداسقان قىلمىسقا قارسى ءىس-قيمىل ماسەلەلەرى بوي­ىن­شا وزگەرىستەر مەن تولىق­تى­رۋلار ەنگىزۋ تۋرالى» جانە «قا­زاقستان رەسپۋبليكاسىنىڭ كەيبىر زاڭنامالىق اكتىلەرىنە ەكولوگيا­لىق ماسەلەلەر بويىنشا وزگەرىس­تەر مەن تولىقتىرۋلار ەنگىزۋ تۋ­رالى» زاڭ جوبالارى ەكىنشى وقى­لىمدا قارالاتىن بولدى.