ءار قىزمەتكەردىڭ الەۋمەتتىك ماسەلەسىن بىلەتىن باسشى
بۇگىنگى تاڭدا ءۇيسىز-كۇيسىز قىزمەتكەردىڭ جايى دا بولمايتىندىعى, جۇمىسى دا ماندىمايتىنى بەلگىلى. ارينە, قىزمەت بابىندا پوليتسيا قىزمەتكەرلەرىنە قويىلاتىن تالاپ قاتاڭ, جۇمىس تا جاۋاپتى. الايدا پوليتسيانىڭ باسپانا جايى دا, باسقا ماسەلەسى قاپەردە بولا بەرمەيتىنى ء مالىم.
دەگەنمەن, پوليتسيا گەنەرالى بەرىك ءبىلالوۆ باسشى رەتىندە ءاربىر قىزمەتكەردىڭ ۇزدىك بولۋىمەن بىرگە, جاعدايى دا بولعانىن, جۇمىسىن دا دۇرىس اتقارعانىن قالايتىنى ايان. ويتكەنى, ءوزى ءبىر كەزدە وسى سالاعا ۇزدىكتەردىڭ ىشىنەن ىرىكتەلىنىپ كەلگەنىن بىلەدى.
قاي جۇمىسقا جەگىلسە دە, جاۋاپكەرشىلىكتى ۇمىتپاي, ىزىنەن ىلەسكەن جاس مامانداردى كاسىپقويلىققا ماشىقتاندىرىپ كەلە جاتقان پوليتسيا گەنەرالىنىڭ مانساپ جولى دا جەڭىل ەمەس.
الدىمەن باسشى رەتىندە جەكە قۇرامعا قامقورلىق تانىتىپ وتىرۋى بەرىك ءبىلالوۆتىڭ ادامي بولمىسىن اشا تۇسەدى. ول كىسى وسى باسشىلىققا كەلە سالىسىمەن ءبىرىنشى كەزەكتە جەكە قۇرامنىڭ جاياۋ ساندالماي, ۇيدەن جۇمىسقا, جۇمىستان ۇيگە اۆتوبۋستارمەن تاسىلۋىن قامتاماسىز ەتىپتى.
ال ەندى جۇمىس جۇمىسىمەن, ودان دا بولەك ۇجىم مۇشەلەرىنىڭ بىتپەيتىن الەۋمەتتىك ماسەلەلەرى, تۇرمىس جاعدايى تاعى بار. ياعني, پوليتسيا سالاسىنا كەلىپ جاتقان جاس وتباسىلارعا, جاڭا مامانداردىڭ بارلىعىنا دا ءبىرىنشى كەزەكتە باسپانا كەرەك.
وسىلايشا, ءىىد باسشىسى سەرجانتتاردىڭ باسپانا ماسەلەسىن شەشىپ بەرۋگە ۇمتىلىپ وتىر. مىسالى, 2017 جىلى ءساۋىر ايىندا قر ءىىم ىشكى اسكەرىنىڭ №6637 اسكەري بولىمشەسىنىڭ بالانسىنداعى يا.گاشەك, 20ا كوشەسىنە ورنالاسقان جاتاقحانانىڭ ءىىد بالانسىنا بەرىلۋىنە قول جەتكىزسە, بۇل قادام ءوز كەزەگىندە 40 قىزمەتكەردى باسپانامەن قامتاماسىز ەتتى. بيىل وسى جاتاقحانا كۇردەلى جوندەۋدەن ءوتىپ, جاڭادان سالعانداي جارقىراي تۇسپەك. قازىردىڭ وزىندە عيماراتتى كۇردەلى جوندەۋدەن وتكىزۋ جونىندەگى قۇجاتتاردىڭ جوبالىق-سمەتالىق قۇجاتتارى جاسالىپ, وعان مەملەكەتتىك ساراپتاما جاسالۋدا. ەگەر بۇل جوسپار ساتىمەن اتقارىلسا, وندا الەۋمەتتىك ماسەلەنىڭ تاعى لەگى شەشىلىپ, ىشكى ىستەر ورگاندارى قىزمەتكەرلەرىنىڭ تۇرمىسى الدەقايدا تۇزەلەدى.
پوليتسياعا دا پاتەر كەرەك
قۇقىق قورعاۋ ورگاندارىنىڭ قىزمەتكەرلەرىن ۇيمەن قامتاماسىز ەتۋ ماسەلەسىنىڭ دۇرىس شەشىلۋى ءۇشىن سولتۇستىك قازاقستان وبلىستىق ءىىد باسشىلىعى «قازاقستاننىڭ تۇرعىن ءۇي قۇرىلىس جيناق بانكى» اق-مەن قويان-قولتىق جۇمىس ىستەپ, بەلسەندى ارىپتەستىك ارەكەتكە بارۋعا اسا ءمان بەردى.
ماسەلەن, «قازاقستاننىڭ تۇرعىن ءۇي قۇرىلىس جيناق بانكىنىڭ» قىزمەتكەرلەرى پاتەرلى بولۋدىڭ ءتيىمدى جولدارىن ۇسىناتىن باعدارلامالارىن ءتۇسىندىرۋ ءۇشىن گەنەرالعا ءوتىنىش ايتقاندا, ول كىسى بىردەن اۋديتوريا ءبولىپ قانا قويماي, قىزمەتكەرلەرىنىڭ قىزىعۋشىلىق تانىتىپ وتىرعانىن ءبىلىپ, ءوزى دە ولارعا قولداۋ كورسەتتى. بانك وكىلدەرىنىڭ ءىىد عيماراتىندا كەزدەسۋى وسىمەن اياقتالماي, ناتيجەسىندە ناسيحات جۇمىستارىنا قولايلى بولۋى ءۇشىن «قازاقستاننىڭ تۇرعىن ءۇي قۇرىلىس جيناق بانكىنىڭ» قىزمەتكەرلەرىنىڭ كەڭەس بولمەسى پايدا بولادى.
ەڭ اتاپ وتەرلىگى, مەملەكەتتىك باعدارلامالار بويىنشا باسپانالى بولۋدىڭ تالاپ-تارتىپتەرى بارشا ءۇشىن بىردەي ەكەنى ايان. الايدا, گەنەرال قالا اكىمدىگى ارقىلى تۇرعىن ءۇيدىڭ ءاربىر شارشى مەترىنىڭ باعاسىن 125 مىڭ تەڭگەدەن 115 مىڭ تەڭگەگە دەيىن تۇسىرۋگە قول جەتكىزگەن.
سونىمەن, ۇستىمىزدەگى جىلى «قازاقستاننىڭ تۇرعىن ءۇي قۇرىلىس جيناق بانكىنە» «نۇرلى جەر» باعدارلاماسى بويىنشا ورال كوشەسىندەگى تۇرعىن ۇيدەن پاتەر الۋعا سولتۇستىك قازاقستان وبلىسى دەپارتامەنتىنىڭ 49 قىزمەتكەرى ءوتىنىش بەرسە, قازىر 9 قىزمەتكەر قونىس تويىن تويلاۋعا ازىرلەنىپ جاتقان جايى بار. الداعى كۇندەرى تاعى دا توعىزى باسپانالى بولاتىن بولسا, مۇنان بولەك جەكە قۇرامداعى 37 قىزمەتكەردىڭ تۇرعىن ءۇي ماسەلەسىن وڭ شەشۋگە مۇمكىندىك تۋىپ تۇر.
مۇنان دا بولەك, كەلەر جىلى ىشكى ىستەر دەپارتامەنتىنىڭ قىزمەتكەرلەرى ءۇشىن «قازاقستاننىڭ تۇرعىن ءۇي قۇرىلىس جيناق بانكىنىڭ» ء«وز ءۇيىم» باعدارلاماسى ارقىلى 72 پاتەرلىك تۇرعىن ءۇيدىڭ قۇرىلىسى جوسپارلانعان.
كەز كەلگەن ماماندىق الدىمەن ادامعا قىزمەت ەتەدى
ايتپاعىمىز دا وسى, قايدا جۇرسە دە, قانداي ۇجىمدى باسقارسا دا اينالاسىنا تەك قايىرىمىن تيگىزەتىن ادامدار بار. ءومىردى وزگەرتەتىن دە ىزىنە جاقسىلىق ىلەسكەن وسىناۋ جاندار.
قازىردىڭ وزىندە سولتۇستىكتە گەنەرال بەرىك ءبىلالوۆ ۇلگىسىنە باسقا سالانىڭ دا باسشىلارى ەلىكتەي باستاپتى. بانكتىڭ ايماقتىق بولىمشەسىنە سوت ورگاندارى مەن زاۋىتتاردىڭ جەتەكشىلەرى كەلە باستاعان.
– بەرىك ءبىلالوۆتىڭ قاراۋىندا قىزمەتكەرلەردىڭ باسپانا ماسەلەسىنە كوز جۇمباي قاراعانىنىڭ ارقاسىندا, ءۇيلى بولۋدىڭ جولدارى شەشىلىپ وتىر. بۇل ناعىز گەنەرالدىڭ ءىسى. «قازاقستاننىڭ تۇرعىن ءۇي قۇرىلىس جيناق بانكى» دە ءوز كەزەگىندە ءبىر عانا وڭىردەگى پوليتسيالاردىڭ عانا ەمەس, كەشەندى تۇرعىدا بۇكىل ايماقتاعى قۇقىق قورعاۋ قىزمەتكەرلەرىنىڭ پاتەرگە قول جەتكىزۋىنە ىقپال ەتۋگە دايىن. سول ءۇشىن قازىر بىزدەر اۋقىمدى جۇمىستار جۇرگىزىپ وتىرمىز, – دەيدى «قازاقستاننىڭ تۇرعىن ءۇي قۇرىلىس جيناق بانكى» اق باسقارماسىنىڭ ءتورايىمى ءلاززات يبراگيموۆا.
ال ايماقتاعى دەپارتامەنت قىزمەتكەرىنىڭ قاي-قايسىسىنان سۇراساڭىز دا, سولتۇستىك قازاقستان وبلىستىق ءىىد باستىعى بەرىك ءبىلالوۆتىڭ ىشكى ىستەر سالاسىنا عانا ەمەس, باسقالارعا دا ۇلگى ەكەنىن ايتادى. وبلىستا قانداي دا ماڭىزدى شارالار مەن ايتۋلى وقيعالاردىڭ بەل ورتاسىندا جۇرەدى. ءوز ءىسىن تاماشا ءبىلىپ قانا قويماي, جۇمىستىڭ ساپالى ورىندالۋىن تالاپ ەتە الاتىن گەنەرال جاستارعا دا ۇلگى. بىراق, ءبىرىنشى كەزەكتە قىزمەتكەردىڭ جاعدايىن جاساۋدى ۇمىتپايتىن باسشى, جۇمىس ساپاسىن وسىلاي ارتتىرىپ وتىر.
قىسقاسى, 2012-2015 جىلدار ارالىعىندا وڭىرلەردى دامىتۋ باعدارلاماسىنىڭ اياسىندا بۇگىنگە دەيىن سولتۇستىكتە 978 پاتەرلىك 17 تۇرعىن ءۇي پايدالانۋعا بەرىلگەن. بۇل پاتەرلەردىڭ جالپى اۋماعى 59,2 مىڭ شارشى مەتردى قۇراسا, قۇنى 7 093 ميلليون تەڭگەگە بولادى.
ال 2016-2017 جىلدارى سولتۇستىك قازاقستاندا «قازاقستاننىڭ تۇرعىن ءۇي قۇرىلىس جيناق بانكى» جۇيەسى ارقىلى جالپى كولەمى 14,2 مىڭ شارشى مەترلىك 220 پاتەرلىك 3 عيمارات سالىندى. ۇستىمىزدەگى جىلعا 794 پاتەرلىك 10 نىساننىڭ قۇرىلىسى جوسپارلانعان. ناتيجەسىندە 1014 پاتەرلىك 13 تۇرعىن ءۇيدىڭ پايدالانۋعا بەرىلۋى ايماقتىڭ تۇرعىن ءۇي قۇرىلىسى سالاسىندا بۇرىن-سوڭدى بولماعان رەكورد دەسەك تە بولادى.
ايناش ەسالي,
«ەگەمەن قازاقستان»
