جەمقورلىق جولىنا توسقاۋىل

قوعامنىڭ دەرتىنە اينالعان جەمقور­لىق­تىڭ الدىن الۋ تۋرالى از ايتىلىپ جۇرگەن جوق. ناتيجەسى دە جامان ەمەس. جالپى, جۇرتشىلىقتىڭ قاتىسۋىمەن قو­عام­دى تازارتۋ ماقساتىنداعى ماڭىزدى شا­رالار قاتارىندا «نۇر وتان» حا­لىقتىق-دەموكراتيالىق پارتياسى وبلىس­تىق فيليالى مەن سۋرەتشىلەر وداعىنىڭ وڭىردەگى فيليالى ۇيىمداستىرعان «سەنىڭ «جەمقورلىق جوق!» دەگەنىڭ ماڭىزدى» اتتى رەسپۋبليكالىق پلاكاتتار باي­قاۋى­نىڭ ىرىكتەۋ تۋرى ءوتتى. بايقاۋدا قىلقالام شەبەرلەرى مەن مەكتەپ وقۋشىلارى بەلسەندىلىك تا­نى­تىپ, اتالعان تاقىرىپتى اشۋعا شى­عار­ماشىلىقپەن دەن قويدى. وڭىردەگى 25 اۆتوردىڭ تۋىندىسىن بايىپتى ساراپتاۋ بارىسىندا قازاقستان سۋرەتشىلەر وداعىنىڭ مۇشەسى اباي نۇرعازى ۇلى ءبىرىنشى, قاپشاعايلىق ەرجان نۇرپەيىسوۆ ەكىنشى, تالدىقورعاندىق الينا قارا­با­لاەۆا ءۇشىنشى ورىنداردى يەلەنىپ, با­عا­لى سىيلىقتار الدى. جەڭىمپازدار تۋىن­دىسى استانادا وتەتىن بايقاۋعا قاتىس­تىرىلاتىن بولدى. كۇمىسجان بايجان, الماتى وبلىسى.