كاسىپكەرلىككە قولداۋ

جاقىندا وسكەمەن قالا­سىن­دا «نۇر وتان» حالىقتىق-دە­موكراتيالىق پارتياسىنىڭ بەلسەندىلەرى شاعىن جانە ورتا كا­سىپكەرلىكتى قولداۋ جونىندەگى جا­ڭا باعدارلامانىڭ تۇساۋكەسەرىن جاسادى. پارتيانىڭ يننوۆا­تسيا­لىق كوميتەتى توراعاسىنىڭ ور­ىنباسارى رۇستەم اقبەردين جي­ىندى اشىپ تۇرىپ, بىلاي دەدى: – كەندى التايداعى ءىرى ءون­دى­رىس ورىندارىنىڭ ەل ەكونومي­كا­سىن ارتتىرۋداعى ۇلەسى ەرەكشە زور. ەندەشە ونەركاسىپ ورىن­دا­رى شو­عىرلانعان ايماقتا پارتيا بەلسەندىلەرى شاعىن جانە ورتا كاسىپ­كەرلىكتى ودان ءارى دامىتۋ جونىندە باستاما كوتەرىپ وتىر. الايدا, ونەر­كاسىبى دامىعان ءوڭىر­لەردە اتال­مىش باعدارلاما سايابىرسىپ قال­عان. سوندىقتان دا, «نۇر وتان» پارتياسى شاعىن جانە ورتا كاسىپكەرلىكتى ودان ءارى قار­قىندى جۇرگىزۋ ءۇشىن وسىندا كەلىپ وتىر. – وڭىردەگى «قازتسينك», «قا­زاق­مىس» الىپتارىنىڭ شاعىن جانە ورتا كاسىپكەرلىكتى دامى­تۋ­عا ۇلەس قوسىپ وتىرعانى بەلگىلى. ماسەلەن, «قازتسينك» جاۋاپكەرشىلىگى شەكتەۋلى سەرىكتەستىك وسى­دان جەتى جىل بۇرىن «پيتستسا بليۋز سەرۆيس» شاعىن كاسىپورنى­مەن ىنتىماقتاسا بىرلەسىپ جۇ­مىس ىستەي باستاپتى. كاسىپورىن­داعى جۇمىسشىلارعا دارىگەرلىك بىلىكتى ەمدەۋ قىزمەتى كورسەتىلە باستاعان. قازىر «پيتستسا بليۋز» اۋىل­شارۋاشىلىق تاۋار ءوندىرۋشى­لە­رى­مەن كەلىسىمگە وتىرىپ, جەرگىلىكتى كاسىپكەرلەردەن تاعامدار­دىڭ 90 پايىزىن ساتىپ الىپ جا­تىر. سونداي-اق, «قازتسينك» كا­سىپورنى جەرگىلىكتى ماشينە جا­ساۋشىلارمەن كەلىسىمگە كەلىپ شاح­تالاردا جۇمىس ىستەيتىن جاب­دىقتار مەن قوندىرعىلاردى دا ساتىپ الۋدا. ەكى جاققا دا ءتيىمدى, جەرگىلىكتى كاسىپورىندار ءوز ونىمدەرىن ساتىپ, پايدا تاپسا, «قازتسينك» الىس جاقتان قاجەتتى زاتتاردى ىزدەپ جاتپاي ءوز ءون­ىم­دە­رىن پايدالانۋدا. تاماشا ءداستۇر! رۇستەم اقبەرديننىڭ پايىم­داۋ­ىنشا, «نۇر وتان» پارتيا­سى­نىڭ شاعىن جانە ورتا كاسىپ­كەرلىكتى قولداۋ جونىندەگى باستا­ماسىن ءىرى كاسىپورىندار قولداپ وتىرسا, ەل ەكونوميكاسى العا قارىشتاپ جاساي بەرمەك. بۇل ورايدا, «قازاقمىس» كوم­پانياسى دا جاقسى ىستەردىڭ باس­تاماشىسى بولىپ كەلەدى. ولار كاسىپكەرلەرگە ۇندەۋ تاستاپ, ولار­دىڭ ونىمدەرىن بارىنشا كو­بىرەك ساتىپ الۋعا ۇسىنىس جا­سادى, تەك ولار ساپالى بولسىن. فورۋم بارىسىندا كەمشىلىكتەر جاعىنا دا توقتالا كەتتى. ماسەلەن, شاعىن جانە ورتا كا­سىپكەرلىكتى ودان ءارى دامىتۋ ءجو­نىندەگى قانشاما باعدارلامالار اياقسىز قالىپ جاتىر. ءبىر عانا مىسال. ماسەلەن, «بيزنەستىڭ جول كارتاسى-2020» باعدار­لا­ما­سى بويىنشا مەملەكەت تاراپى­نان قولداۋعا يە بولعان جۇزدەن استام كاسىپورىنداردىڭ ىشىندە تەك 12-ءسى عانا شاعىن كاسىپ­كەر­لىك­تىڭ ۇلەسىنە تيەسىلى. ونىڭ باس­تى سەبەبى, كەپىلدىككە سالاتىن دۇنيە­لەردىڭ تاپشىلىعى بولسا كەرەك. «نۇر وتان» حدپ ورتالىق اپپاراتى جەتەكشىسىنىڭ ورىنبا­سا­رى راسۋل ورازعاليەۆ ءوز ءسو­زىندە جاڭا باعدارلامانىڭ جەرگىلىكتى تاۋار وندىرۋشىلەرگە كوپ ءمۇم­كىندىك بەرەتىنىنە توقتالا كەتتى. – ەلباسى, ۇلت كوشباسشىسى ن.نازارباەۆ جاقسى دامىعان مەم­لەكەتتەر قاتارىنا قوسىلۋ ءجو­نىندە ناقتى تاپسىرما بەرگەنى بەلگىلى. ال ول ءۇشىن ءوندىرىستى دا­مى­تۋمەن بىرگە, شاعىن جانە ورتا كاسىپكەرلىكتى دە العا باتىل جى­ل­جىتۋ كەرەك. «نۇر وتان» پار­­تيا­سى شاعىن جانە ورتا كا­سىپكەر­لىك­تى ەلىمىزدەگى ءىرى ءوندىرىس وشاق­تا­رى­مەن بىرلەسىپ العا جىل­جىتۋدى كوزدەپ وتىر, – دەدى ر. ورازعاليەۆ. – ەگەر اتالمىش باعدارلاما قابىلدانىپ, جۇمىس ىستەي باستاسا شاعىن كاسىپكەرلىكتى قولداپ قانا قويماي, ولارعا جان-جاقتى كومەك كورسەتۋگە ءازىرمىز, –دەدى «قازتسينك» جشس ۆيتسە-پرەزيدەنتى اندرەي لازارەۆ. وڭداسىن ەلۋباي.