پارتيا مەكتەبىنىڭ فيليالى اشىلدى

سەمەيدە «نۇر وتان» حالىق­تىق-دەموكراتيالىق پارتياسى جو­­عارى پارتيا مەكتەبىنىڭ اي­ماق­تىق فيليالى سالتاناتتى جاع­داي­دا اشىلدى. اتالعان مەك­تەپ­تىڭ العاشقى فيليالى بۇعان دەيىن ەلىمىزدىڭ باتىس وڭىرىندەگى اقتوبە قالاسىندا اشىلعان بو­لا­تىن. ونىڭ اشىلۋ سالتانا­تى­نا قازاقستان رەسپۋبليكاسىنىڭ پرە­­­زيدەنتى پارتيا توراعاسى, نۇر­سۇل­تان نازارباەۆتىڭ ءوزى قا­تىس­­قان-دى. ال بيىلعى جىلدىڭ ما­مىر ايىندا وسىنداي فيليال وڭ­تۇستىك استانامىزدا اشىلعان ەدى. سەمەيدەگى فيليال وسىنداعى كەزىندە ساياسي اعارتۋ ءۇيى بولعان, ال قازىردە اباي اتىنداعى وب­لىستىق كىتاپحانا جايعاسقان ءساۋ­لەتتى عيماراتتىڭ ءبىرىنشى قا­باتىنا ورنالاستى. وسىعان وراي وتكەن جيىندى اشىپ جۇرگىزىپ وتىرعان جوعارى پارتيا مەك­تە­بىنىڭ ديرەكتورى, پروفەسسور با­قىت ەسەكينا قازىرگى قوعامدا بولىپ جاتقان وزگەرىس-جاڭالىق­تارعا دەر كەزىندە ءۇن قاتا الا­تىن, ەلىمىز بەن ەلباسىنىڭ ىشكى جانە سىرتقى ساياساتىن بىلىكتىلىكپەن جۇرگىزە بىلەتىن ىسكەر ماماندار دايارلاۋ ۋاقىت تالابى ەكەندىگىن ايتا كەلىپ, وزدەرىنىڭ تاراپتا­رى­نان قازىردە اتقارى­لىپ جاتقان جۇمىستارعا قىس­قاشا توقتالدى. ايتالىق, پارتيا مەكتەبىندە وتكەن وقۋ جىلىندا ءبىر جارىم مىڭعا جۋىق پارتيا قىزمەتكەرى وزدەرىنىڭ بىلىكتىلىگىن ارتتىرىپ­تى. ال الداعى وقۋ جىلىندا جا­ڭادان اشىلعان فيليالدا كور­شى­لەس شىعىس قازاقستان جانە پاۆلو­دار وبلىستارىنان جۇزگە جۋىق پار­تيا قىزمەتكەرى ءدارىس تىڭداپ, ءتا­­جىريبە جيناقتاپ قاي­تاتىن بولادى. جيىندا ءسوز العان پارتيا­نىڭ ورتالىق اپپاراتى جەتەك­شى­سىنىڭ مىندەتىن اتقارۋشى قۇ­مار اق­سا­قالوۆ پارتيا ءومىرىنىڭ بۇگىنگى تى­نىس-تىرشىلىگى تۋرالى ءسوز قوز­عاسا, «نۇر وتان» حدپ سەمەي قالاسى بولىمشەسىنىڭ ءتور­اعاسى, قالا اكىمى ايبەك كارىموۆ سەمەيلىكتەرگە كورسەتىلگەن قۇر­مەت­كە وراي فيليال جۇمىسى جەمىستى بولا­تىن­دىعىنا سەندىردى. ەلى­مىز­دىڭ رۋحاني ورتالىق­تارى­نىڭ ءبىرى بو­لىپ تابىلاتىن سەمەي قالاسىن­دا وعان مۇمكىندىك مول, دەدى ول. وسىنداعى قازاق گۋما­ني­تارلىق-زاڭ جانە يننو­ۆا­تسيا­لىق ۋنيۆەر­سي­تەتىنىڭ رەك­تو­رى, پروفەسسور شىرىن قۇرمان­باەۆا دا مۇن­دا­عى زيالى قاۋىم وكىل­دە­رى­نىڭ فيليال جۇمىسىنا قىزۋ ات­سا­لى­سا­تىندىعىنا سەنىم ءبىلدىردى. بۇدان كەيىن جاڭادان اشىل­عان فيليالدا جەرگىلىكتى پارتيا قىز­مەتكەرلەرىنە ارنالعان «پار­تيا­نىڭ ءتيىمدى سايلاۋ الدى جۇ­مىسىن ۇيىمداستىرۋدىڭ نىسان­دارى مەن ادىستەرى» دەگەن تا­قى­رىپتاعى ەكى كۇندىك سەمينار ءوز جۇمىسىن باستاپ كەتتى. فيليال باسشىسى بو­لىپ بۇعان دەيىن قا­لالىق اكىم­دىكتىڭ اپپارات جەتەكشىسى, ءتىل ءبولىمىنىڭ باستىعى جانە باسقا جاۋاپتى جۇمىستاردى ات­قار­عان ايدار ساماەۆ تاعاي­ىن­دال­دى. داۋلەت سەيسەن ۇلى, سەمەي.