ءتورت جىلدا الپىس كىتاپ

قازاقستاننىڭ تۇڭعىش پرەزيدەنتى قورى ءتورت جىلدا ءوز قاراجاتىمەن شىعارعان 60-تان اسا كىتاپتىڭ تۇساۋىن كەسىپ, كورمە ۇيىمداستىردى. ول ەڭبەكتەردىڭ اراسىندا وتان سوعىسى ارداگەرلەرىنىڭ, جاس دارىندى اقىن-جازۋشىلاردىڭ كوركەم شىعارمالارى, جاس عالىمدار ەڭبەكتەرى, سونداي-اق ەلباسىنىڭ 70 جىلدىق مەرەيتويىنا ارناپ ن.نازارباەۆتىڭ 7 كىتاپتان تۇراتىن قازاق, ورىس, اعىلشىن تىلىندەگى جيناعى بار. كورمەنى اشقان قر تۇڭعىش پرەزيدەنتى قورىنىڭ اتقارۋشى ديرەك­تو­رى بەكتاس مۇحامەدجانوۆ كىتاپتاردىڭ ارقايسىسى 500 دانامەن با­سىلعانىن, الداعى ۋاقىتتا ولاردىڭ ەلەكتروندىق نۇسقاسى دا جارىق كورە­تىنىن جەتكىزدى. «اسىرەسە, 10 كىتاپ بولىپ جارىق كورگەن سوعىس ارداگەرلەرىنىڭ ەستەلىكتەرىن ەرەكشە اتاپ وتكىم كەلەدى. ويتكەنى, وندا بۇگىنگى ارداگەر اعالارىمىز سوعىس جىلدارىندا باستارىنان وتكەرىپ, كوزدەرىمەن كورگەن قيىندىقتاردى, وتانعا دەگەن سەزىمدەرىن شىنايى بەرە بىلگەن», – دەيدى ول. ونىڭ ايتۋىنشا, كىتاپتار قالامىزدىڭ 300-دەن اسا كىتاپحانا, جوو مەن مەكتەپ كىتاپحانالارىنا تەگىن تاراتىلماق. گۇلزەينەپ سادىرقىزى.