بار تاعدىرىم قازاقپەن بايلانىستى

مەن ءبىلىم سالاسىندا 13 جىلدان بەرى ەڭبەك ەتىپ كەلەمىن. وسى جىلدار ىشىندە قازاق حالقى­نىڭ دانا­لىعىنا, بارشا ەتنوس وكىلدەرىنە دەگەن كەڭ­دى­گىنە ەر­ەك­­­شە ءتانتى بولدىم. ال ءتىلىنىڭ قۇ­دىرەت­تى­لىگىن جان-تانىممەن سەزىنگەن, بولا­شاعىنا نىق سەنگەن وزگە ۇلت وكىلدەرىنىڭ ءبىرى ەكەنىمدى ۇلكەن ماقتانىش تۇتامىن. كىش­كەن­تايىمنان قا­زاق اۋى­لىن­دا ءوستىم, سالت-ءداس­تۇرلەرىن, ادەت-عۇرى­­پتارىن بويىما ءسىڭىردىم. باستاۋ­ىش مەكتەپتى قازاقشا ءبىتىرىپ, ءارى قاراي وقۋىمدى وب­لىس ورتالىعىنداعى №1 ورىس مەكتەبىندە جالعاستىر­دىم. الايدا, ودان كەيىنگى تاعدىرىم دا قازاق تىلىمەن تىعىز باي­­لانىستى بولدى. ەلىمىز تاۋەل­سىز­دىك الىپ, قازاق تىلىنە مەملەكەتتىك مارتەبە بەرىلگەن جى­لى كوپ وي­لانباستان پەتروپاۆل پەدا­گوگيكالىق ينستي­تۋ­تى تاريح-فيلولوگيا فاكۋلتەتى جانىنان قازاق ءتىلى جانە ادەبيەتى بولىمىنە قۇجاتتارىمدى تاپسىرىپ, ستۋدەنت اتاندىم. قازاق ءتىلى ماماندىعىن تاڭداپ العانىما ەش وكىن­بەي­مىن. 1993 جىلدان بەرى «مەم­لە­كەت­تىك ءتىل – مەنىڭ ءتىلىم» بايقاۋىنا ۇزبەي قاتى­سىپ, تالاي رەت جەڭىمپاز اتاندىم. «ءتىل جانا­شى­رى» قۇرمەت بەلگىسىمەن ماراپاتتالدىم. روزا مۇ­حامە­ديا­رو­ۆا, كۇلعايشا ءىلياسوۆا سەكىلدى بالا كۇنگى قۇر­بىلارىممەن ءالى قاتىناسىپ تۇرا­مىن. مەن ەڭ­بەك ەتەتىن № 26 ورىس مەكتەبىندە ءوزىم قاتارلاس جاس ۇس­تازدار كوپ. قازاق ءتىلىنىڭ دا­مۋىنا ۇلكەن ۇلەس قوسىپ جۇرگەن ايجان ءتاتتى­باە­ۆا, سان­دۋعاش يتقۇلوۆا, الما قۇ­داباەۆامەن جۇ­بى­مىز جازىلعان ەمەس. سانالى عۇمىرىن جاس ۇرپاق تاربيەسىنە ارناپ كەلە جاتقان جاننا درۋ­چي­ني­نا­نىڭ دا كومەگى كوپ ءتيدى. بىلمەگەنىمىزدى ءبىر-بىرىمىزدەن ۇيرەنۋدەن جالىققان ەمەسپىز. «بەست» گيمنازياسىندا ەڭ­بەك ەتەتىن باقىتكۇل تايمۋللينا دا ءجيى حابار­لا­سىپ, اقىل-كەڭەستەرىن ايتىپ وتى­رادى. «ساۋ­ساق بىرىكپەي ينە ىلىكپەيدى» دەمەكشى, اۋىز­بىرلىك, تاتۋلىق بار جەردە جۇمىس­تىڭ جەمىستى, ەڭبەكتىڭ ءونىمدى كەلەتىنى بەلگىلى. مەن جەتەكشىلىك ەتەتىن 5 سىنىپ وقۋشى­لا­رى­نىڭ دا ۇيىمشىلدىعى جاقسى. ولار وزدەرىن ءتاۋ­ەلسىز ەلىمىزدىڭ ەرتەڭىمىز دەپ ەسەپتەيدى. مەملەكەتتىك ءتىل­دىڭ ماڭىز­دى­لىعى مەن قا­جەتتىلىگىن جان-تاندەرىمەن سەزىنىپ, مەڭگە­رۋگە دەگەن ايرىقشا ىقى­لاستارى ءسۇي­سىن­تەدى. ولارعا وتانشىلدىق قاسيەتتەر ءتان. ۇلتىمىزعا, دىنىمىزگە قاراماستان ءبارىمىزدى بىرىكتىرىپ وتىرعان ۇلى كۇش بار. ول – ورتاق وتان, ءتاۋ­ەلسىز قازاقستان, قوعامداعى بىرلىك پەن ىنتىماق. ليۋدميلا ميليۋتينا, №26 مەكتەپتىڭ قازاق ءتىلى مۇعالىمى. پەتروپاۆل.