ىسىمەن ۇلگى بارشاعا

وقۋشى بولىپ پارتاعا وتىر­ماعان, ۇستازدان ءبىلىم الماعان, ونىڭ تاربيەسىن كورمەگەن ادام مۇلدەم جوق تا شىعار. مەن دە سول ۇستازدىڭ قامقورلىعىنا ءبو­لەن­گەن­دەردىڭ ءبىرىمىن. ول – ءماۋ­كەن اسەن ۇلى. بۇكىل سانالى عۇ­مى­رىن ۇرپاققا ارناعان ۇستا­زىم­دى كورگەندە ويىما جان جاك رۋس­سونىڭ «ۇستاز – ۋاقىتىڭدى اياماۋ, باسقانىڭ باقىتىن ايالاۋ» دەگەن ءسوزى ويىما ورالا بەرەدى. شىنىندا مەنىڭ ۇستازىم ءماۋ­كەن اعا سونداي جان. قاشان كور­سەڭ دە ۇلتتىڭ ۇلى تۇلعاسى احمەت بايتۇرسىن ۇلىنىڭ «ءبىز اۋە­لى ەلدى تۇزەۋدى بالا وقىتۋ ءىسىن تۇزەۋدەن باستاۋىمىز كەرەك» دەگەن قاناتتى ءسوزىن ايتىپ, مۇ­عالىمدەردى جۇمىلدىرىپ ءجۇ­رە­دى. ول 20 جىلدان بەرى ەڭبەك­شىقازاق اۋدانى, سوگەتى اۋىلىن­داعى وراز جاندوسوۆ اتىنداعى ورتا مەكتەبىندە ديرەكتور بو­لىپ قىزمەت اتقارۋدا. تاۋبە دەيىك, قازىر ەل جاع­دا­يى جاقساردى, حالىقتىڭ تۇرمى­سى وڭالىپ كەلە جاتىر. تاۋەل­سىزدىكتىڭ العاشقى جىلدارىن­داعى قيىندىقتار ءالى كۇنگە كوز الدىمىزدا. ەلەكتر جارىعى ءجيى ءسونىپ, مۇعالىمدەر ايلىق الا الماعان ۋاقىتتار كەزدەسكەن. ەندىگى جەردە ءبىلىمنىڭ باستا­ۋى مەكتەپتە دەسەك, سونى جەتىلدىرۋ ارقىلى ەلىمىزدىڭ كەلەشەگى بولاتىن ۇرپاقتى رۋحى مىقتى جىگەرى نايزاداي وتكىر, ءبىلىمى بيىك ەتىپ تاربيەلەۋ – باستى ماق­­­سات. اسىرەسە, الەمدىك وزىق ءتا­جى­ري­­بە­لەردى باسشىلىققا الۋ, ءبىلىم ماز­مۇنىن جاڭاشا قۇرۋ, پەداگو­گيكالىق باسقارۋ ءۇردىسىن ۋاقىت تالابىنا ساي ۇيىمداستىرۋ, جا­ڭا تەحنولوگيالاردى وقۋ ىسىنە قولدانا ءبىلۋ – وسىنىڭ ءبارىن ءوزى باس بولىپ ماۋكەن اعا ءبىر ىزگە ءتۇسىرىپ كەلەدى. ەلباسى بەكىتكەن جاڭا ءبىلىم باعدارلاماسىنا ساي وقۋشىلاردىڭ دەنساۋلىعى مەن قاۋىپسىزدىگىن ساقتاۋ, مەملەكەتتىك ءبىلىم ستاندارتىن مۇلتىكسىز ور­ىنداۋ, قارجىلىق شارۋاشىلىق ىسىندە ءتارتىپتى بۇزباۋ, كادر سايا­ساتىن ءادىل جۇرگىزۋ سەكىلدى باس­تى مىندەتتەردى ول ءوز جۇمى­سى­نىڭ تەمىرقازىعى ەتىپ العان. بۇعان قوسا, پرەزيدەنتتىڭ «ديپ­لوممەن – اۋىلعا» باعدار­لاماسى بويىنشا بيىل 4 جاس ماماندى قىزمەتكە قابىلدادى. مەن بۇگىن مۇعالىمدەر كۇنى­نە وراي ۇستازىمنىڭ اسىل قا­سيەتتەرىن ايتا وتىرىپ, وسىن­داي ۇلگى وزگەلەرگە دە ساباق بولسا ەكەن دەيمىن. الىمعازى ەسجانوۆ.