مىڭ العىس ساعان, مۇعالىم!

«ادامنىڭ ءبىر قىزىعى بالا دەگەن» دەيدى اباي اتامىز. ۇلت تاربيە­سىنىڭ باستاۋى بالا تاربيەسىندە جاتقانى بەسەنەدەن بەلگىلى. بۇگىنگى بالا – ەرتەڭگى مەملەكەتتىڭ تىزگىنۇستار ازاماتى. سوندىقتان بالا ءتار­بيەسىنە بۇكىل قوعام جاۋاپتى. اسىرەسە, بالانى تاربيەلەيتىن, ءبىلىم نارىمەن سۋسىنداتاتىن, ازامات رەتىندە قالىپ­تاس­تى­راتىن مەكتەپ­تىڭ ورنى ءبىر بولەك. قىزىلوردا قالاسىنداعى №3 مەكتەپ-ليتسەي سولاردىڭ قاتارىندا. مەكتەپ-لي­تسەي­دىڭ قابىر­عا­سى سوناۋ 1939 جىلى قالانعان. ءبۇ­گىندە 70 جىل­دان استام تاريحى بار مەكتەپتەن تالاي بىلىكتى ازامات تۇلەپ ۇشقان. اتال­عان ءبىلىم ورداسى شاكىرت تاربيەسىنە, بىلىمىنە ءجىتى نازار اۋدارادى. وتكەن وقۋ جى­لى مەكتەپتى 119 وقۋشى ءبىتىرىپتى. سول وقۋ­شى­لار­دىڭ 81-ءى مەملەكەتتىك گرانت يەگەرى اتانىپ, جوعارى وقۋ ورىندارىنا ءتۇستى. «التىن بەلگىگە» ۇسىنىلعان 8 وقۋشىنىڭ بارلىعى ءۇمىتتى اقتادى. سونىمەن بىرگە 5 شاكىرت ۇزدىك اتتەستاتقا يە بولدى. مەكتەپ مۇنداي جەتىستىككە بالا ءتار­بيەسى ءۇشىن تى­نىم كور­مەيتىن, ءاربىر وقۋشى­نىڭ ساناسىن وياتىپ, ءبى­لىمگە دەگەن قۇشتار­لىعىن ارتتى­را­تىن مۇ­عالىم­دەردىڭ مۇقالماس قايرات-ءجى­گەرىنىڭ ارقاسىندا جەتىپ وتىر. ال ۇجىمدى ۇيىس­تىرىپ, جۇمىسىن ءجۇ­يە­لەپ وتىر­عان مەكتەپ ديرەكتورى گۇلجان اي­دا­روۆانىڭ ەڭ­بەگىن وسى ورايدا ايتپاي كەتۋگە بول­ماي­دى. سو­نىمەن قاتار مەرۋەرت ءابدى­حالىقوۆا سەكىلدى جەكەلەگەن ۇستازدار مەكتەپ مەرەيى ءۇشىن ايانباي تەر توگىپ كەلەدى. №3 مەكتەپ-ليتسەيىندە ءوزىمنىڭ ەكى بالام ءبىلىم الىپ جاتىر. قىزىم ءنازيرا 11-سى­نىپ­تا وقيدى. جاقسى وقيدى. ول مۇعالىم­دەر مەن مەكتەپتىڭ ءۇمى­تىن اقتايدى دەگەن سەنىمدەمىن. ال ۇلىم ناريمان 8 سىنىپ وقۋشىسى. مەكتەپتەگى ۇزدىك شاكىرتتىڭ ءبىرى. بالا­لا­رى­مىزعا ءبىلىم بەرىپ, ولاردى قانات­تان­دىرىپ وتىرعان مەكتەپ-ليتسەي ۇستاز­دا­رى­نا ايتار العىسىمىز شەكسىز. گۇلميرا بەيسەنباەۆا. قىزىلوردا وبلىسى.