كاسىبي ءبىلىم جەڭىمپازدارى

ۇستاز – بالا جانىنىڭ باعبانى دەيمىز. وسى ماماندىق يەلەرىنە ۇلكەن سەنىم ارتامىز. ولاردىڭ ومىرىمىزگە لايىقتى ورەندەر وسىرۋدەگى ولشەۋسىز ەڭ­بە­گىن باعالاپ, كاسىبي بىلىمدەرىن جەتىلدىرۋ قاجەتتىگىنە دە نازار اۋدارىلىپ كەلەدى. وبلىس اكىمىنىڭ قولداۋىمەن جىل سايىن ءبىلىم بەرۋ مەكەمەلەرى اراسىندا وتەتىن پەداگوگيكالىق بايقاۋلاردىڭ ءبىرى «ەڭ ۇزدىك كاسىپتىك ءبىلىم بەرۋ ۇيىمى» دەپ اتالادى. ويتكەنى, كاسىپتىك ءبىلىم بەرۋ بۇگىنگى كۇننىڭ باستى مىندەتى بولعاندىقتان بايقاۋعا وبلىستاعى 14 كاسىپتىك ليتسەي ۇجى­مى قاتىسىپ, باسەكەگە قابى­لەتتى شاكىرت تاربيەلەۋدەگى جاق­سى ىستەرىن ورتاعا سالدى. سولاردىڭ قاتارىنداعى سار­قان گۋمانيتارلىق كوللەدجى اعىل­شىن ءتىلى جانە قارجى سالا­سىنىڭ ماماندارىن دايارلاۋ, ستۋدەنتتەردى ونەرگە باۋلۋ, تاعى باسقا تاربيە تاعىلىمىن, جاركەنت №17 كاسىپ­تىك ليتسەيى قو­عام­دا سۇرانىس­قا يە اسپاز, ەلەكترومونتەر, تراكتوريست-ماشينيست ماماندىقتارىنىڭ ما­ڭى­زىن, تالدىقورعان ەكونو­مي­كا-تەحنولوگيالىق كوللەدجى ءونىم­دى وڭدەۋ ماسەلەسىن كور­سە­تىپ, بار­لارىن ورتاعا سالدى. قاراسايداعى ۇشقوڭىر سۋ شارۋاشىلىعى كوللەدجى وتكەن كە­زەڭدە 30 مىڭنان اسا تۇلەك ۇشى­رىپ, ەكولوگ, گيدروتەحنيك ماماندارىن دايارلاسا, ەڭبەك­شى­قازاق اۋدانىنىڭ №7 ليتسەيى جاستاردىڭ قىزىقتى ءومىرىن اسەرلى ورنەكتەدى. تالدىقورعان پوليتەحنيكالىق كوللەدجى كرەديتتىك جانە قاشىقتان وقىتۋ جۇيەسىن ەنگىزۋ, ءوزىن-ءوزى باسقا­را­تىن جاستاردىڭ «كونۆەنت» ۇيىمى مەن پىكىرسايىس ورتالى­عىنىڭ جۇمىسىن جۇيەلەدى. بايقاۋ اسا تارتىمدى ءوتىپ, قازىلار القاسى باعالارىن بەردى. قورىتىندىسىن الماتى قالا­سىن­داعى №13 كاسىپتىك ليتسەي ءبىرىنشى, تالدىقورعان پو­لي­تەحني­كا­لىق كوللەدجى ەكىنشى, تالدى­قورعان ەكونوميكا-تەحنو­لو­گيا­لىق كوللەدجى ءۇشىنشى ورىندى يەلەندى. ءۇش نوميناتسيا بويىنشا دا جەڭىمپازدار انىقتالدى. ولار جاركەنت قالاسىنىڭ №18 كاسىپ­تىك ليتسەيى «يننوۆاتسيا شەبەرحا­نا­سى», قاراساي اۋدانىنىڭ №2 كا­سىپ­تىك ليتسەيى «جەتىستىك جولىندا», ءۇشارال قالاسىنداعى №5 كاسىپتىك ليتسەيى «جاڭاشىل كاسىپتىك ليتسەي» نوميناتسياسىنا قول جەتكىزىپ, وزدەرىنىڭ ىزدەنىستەرىن تانىتتى. كۇمىسجان بايجان. الماتى وبلىسى.