ارداگەرلەر ارداقتالادى

بۇگىنگى تاڭدا قازاقستاندىق ارداگەرلەر قوعام ءومىرىنىڭ ءتۇرلى سالالارىنداعى وڭ ۇدەرىستەرگە بارىنشا بەلسەندى اتسالىسىپ كەلەدى. مەملەكەت باسشىسى, «نۇر وتان» حدپ توراعاسى نۇرسۇل­تان نازارباەۆ قاشاندا ارداگەرلەر ۇيىمىنىڭ قىزمەتىن قولداپ, ولاردىڭ ەلىمىزدىڭ يگىلىگى جولىن­داعى جۇمىستارىن جوعارى باعا­لاپ كەلەدى. وسىعان وراي, 1 قازان – قارت­تار كۇنى «نۇر وتان» حدپ-نىڭ باستاماسىمەن ەلىمىزدىڭ بارلىق وڭىرلەرى مەن ەلدى مەكەندەرىندە  ارداگەرلەر ۇيىمدارىنىڭ بەلسەندىلەرىن قابىلداۋلار وتەدى. اتالعان شارانى ۇيىمداس­تىرۋ­دىڭ الەۋمەتتىك باعىتى ناقتى­لان­سا, ەكىنشى جاعىنان ول «نۇر وتاننىڭ» جازعى كەزەڭدە جۇزەگە اسىرعان اكتسيالارىنىڭ زاڭدى جالعاسى بولىپ تابىلادى. بۇل شارانىڭ يدەيالىق ءتۇپ­قاز­ىعى – جاس ۇرپاقتى سوعىس ءجا­نە ەڭبەك ارداگەرلەرىنىڭ ءومىرىن ۇلگى-ونەگە ەتە وتىرىپ, قازاق­ستان­دىق پاتريوتيزم رۋحىندا ءتار­بيەلەۋ. سونداي-اق جۇرتشى­لىق نازارىن جەرگىلىكتى جەرلەردەگى قارت ادامداردىڭ پروبلەما­لارىنا اۋدارۋ. وسىلايشا, بۇگىن قازاقستان­نىڭ وبلىس ورتالىقتارىنداعى «نۇر وتان» حدپ-نىڭ وڭىرلىك في­ليالدارىندا ارداگەر ۇيىم­دارى­ن­ىڭ بەلسەندى مۇشەلەرىن قابىلداۋلار ۇيىمداستىرىلادى. بۇل شارالارعا پارتيا اكتيۆىنىڭ, ارداگەرلەر ۇيىمدارىنىڭ جەتەكشىلەرى, ۇكىمەتتىك ەمەس ۇيىمدار مەن شاعىن جانە ورتا بيزنەس وكىلدەرى, «جاس وتان» جاستار قاناتىنىڭ مۇشەلەرى قاتىسادى. شارا بارىسىندا پارتيانىڭ وبلىستىق بولىمشەلەرىنىڭ جەتەكشىلەرى قابىلداۋلارعا قاتىسۋشى­لار­دى «نۇر وتاننىڭ» حالىقتىق تۇعىرناماسىنىڭ ورىندالۋى, ون­دا­عى الەۋمەتتىك بلوكتىڭ جۇزەگە اسىرىلۋى بارىسىنان حاباردار ەتىپ, ۇوس ارداگەرلەرى مەن تىڭ ەڭ­بەك­كەرلەرىنە جانە قارت ادام­دارعا مەديتسينالىق كومەك كورسە­تۋدىڭ جاعدايىنان ماعلۇمات بەرەدى. سونداي-اق وڭىرلەردەگى قارت ادام­داردىڭ الەۋمەتتىك جاعدايىن جاقسارتۋ, ولارعا اتاۋلى الەۋ­مەت­تىك جانە ماتەريالدىق كومەك كور­سەتۋ توڭىرەگىندە اڭگىمە ءوربيدى. قابىلداۋ كەزىندە «قارتتارعا قامقورلىق» باعدارلاماسىن جۇزە­گە اسىرۋ بويىنشا اتقارىلعان جۇمىستارعا ساراپتاما جاسالىپ, وتكىزىلگەن شارالاردىڭ ناتيجە­لەرى تۋرالى پىكىر الماسىلادى جانە بارلىق قاتىسۋشىلارعا ۇيىمداستىرۋشىلار اتىنان ەسكەرتكىش سىيلىقتار تاپسىرى­لا­تىن بولادى. «ەگەمەن-اقپارات».