شاعىن جانە ورتا كاسىپكەرلىك – ەل ەكونوميكاسىنىڭ قۇرامداسى

مەملەكەت باسشىسى ءوزىنىڭ قازاق­ستان حالقىنا جولداۋىندا 2020 جىلعا دەيىن ىشكى جالپى ونىمدەگى شاعىن جانە ورتا بيزنەستىڭ ۇلەسىن 40 پايىزعا دەيىن جەتكىزۋ تۋرالى مىندەت جۇكتەگەن بو­لا­تىن. وتاندىق بيزنەستىڭ, اسىرەسە, شا­عىن جانە ورتا بيزنەستىڭ حال-جاعداي­ىنا جالپى ەڭبەك رىنوگىنداعى جاعداي نە بولماسا بيۋدجەتتىڭ تولىعۋى, سون­داي-اق كەڭ اۋقىمدى مەملەكەتتىك جوس­پارلاردىڭ ورىندالۋ تيىمدىلىگى دە تىكەلەي بايلانىستى. سول سەبەپتى بيزنەس-احۋالدى جاقسارتۋ, كاسىپكەرلەر قۇقىق­تارىن قورعاۋ, شاعىن جانە ورتا بيزنەسكە مەملەكەتتىك قولداۋ كورسەتۋ ماسە­لە­لەرى ۇنەمى «نۇر وتان» حدپ-نىڭ باقى­لاۋىندا بولادى. بيزنەس ساناتىنىڭ قالىپتاسۋىندا مەم­لەكەتتىك باعدارلامالاردىڭ ورنى ەر­ەك­شە. بۇلاردىڭ ىشىندە ۇدەمەلى ين­دۋست­ريا­لىق-يننوۆاتسيالىق دامۋ باعدار­لا­ما­سى, «بي­ز­ن­ەستىڭ جول كارتاسى-2020», «جۇ­مىس­­پەن قام­تۋ-2020», «ەكسپور­تاۋشى-2020», «ءون­­ىمدىلىك-2020» باعدار­لا­ما­لارى بار. كەشە وسكەمەن قالاسىندا وتكىزىلگەن فورۋم بارىسىندا «نۇر وتاننىڭ» باس­تاماسىمەن ازىرلەنىپ جاتقان شاعىن ءجا­نە ورتا بيزنەستى جۇيە قۇراۋشى كاسىپ­ور­ىن­داردىڭ كومەگىمەن دامىتۋعا ارنال­عان باعدارلاما جوباسىنىڭ نەگىزگى ەرەجەلەرى تالقىلاندى. قۇرال-جابدىقتار, كولىك قۇ­راس­تىرۋ سالاسىنا ارنالعان بولشەكتەر, قۇ­رىلىس ماتەريالدارى, ەل­ەكتر تەحني­كا­سى, ارنايى جۇمىس كيىمدەرى جانە تاعى باسقا كەرەك-جاراقتاردىڭ بارلىعىن شا­عىن جانە ورتا بيزنەس كاسىپورىندارىنىڭ وزدەرى وندىرۋگە قاۋقارلى. الايدا, ءبىزدىڭ وندىرىستىك ال­پاۋ­ىتتار ءوز تاپسىرىستارىن بەرۋدى ءجون كورەتىن ءىرى شەتەلدىك كاسىپ­ورىندارمەن باسەكەلەسۋ ولار ءۇشىن قي­ىن­عا تۇسەدى. «نۇر وتان» حدپ ورتالىق اپپا­راتى باسشىسىنىڭ ورىنباسارى راس­ۇل وراز­عۇلوۆتىڭ ايتۋىنشا, جاڭا باع­دارلاما جەرگىلىكتى وندىرۋشىلەردىڭ ءمۇد­دە­سىنە قاراي باسىمدىقتاردى قايتا قا­راۋعا مۇمكىندىك بەرەدى. «ەلباسىمىز, «نۇر وتان» پارتياسىنىڭ توراعاسى نۇرسۇل­تان نازارباەۆ 2016 جىلعا دەيىن جو­عا­رى دا­مى­عان ەلدەر قاتارىنا كىرۋ تۋرا­لى ار­نايى تاپسىرما بەرگەن بولاتىن. ارينە, وسى ماقساتقا جەتۋ ءۇشىن قۋاتتى كاسىپ­كەر­لىك كەرەك ەكەنى ءسوزسىز. سون­دىقتان, پار­تيا­نىڭ جاڭا باعدارلاماسى ايماقتاردا شا­عىن جانە ورتا بيزنەستى دامىتۋعا ۇلكەن سەر­پىن بەرەدى دەپ ويلايمىز», دەدى ر.ورازعۇلوۆ. پارتيالىق باعدارلاما تالقىلان­عان­نان كەيىن ونى ازىرلەۋشىلەر وبلىس­تىڭ جەتەكشى كاسىپورىندارىنىڭ الەۋە­تى­مەن, كاسىپكەرلەردىڭ بيزنەس-باستا­ما­لارىمەن تانىستى. ەلباسى  نۇرسۇلتان نازارباەۆ كاسىپكەرلىكتىڭ دامۋى ءۇشىن ءبارىن جاساپ جاتقانى اتاپ كورسەتىلدى. سوندىقتان دا, كاسىپكەرلەر ءوز ايماق­تا­رىن دامىتۋعا كومەكتەسۋىمىز قاجەت دەپ ەسەپتەيدى. «ەگەمەن-اقپارات».