قىرعىزستاندىق ارىپتەسىمەن كەزدەستى

كەشە قازاقستان رەسپۋبليكاسى پارلامەنتى ءماجىلىسى توراعاسىنىڭ ورىنباسارى جانىبەك كارىبجانوۆ «جاڭا الەمدەگى جاڭا قازاقستان: تاۋەلسىزدىككە – 20 جىل» دەگەن تاقىرىپتاعى حا­لىقارالىق عىلىمي-تاجىريبەلىك كونفە­رەن­تسيا­عا قاتىسۋعا كەلگەن قىرعىز رەس­پۋب­لي­كاسى جوگوركۋ كەنەشى توراعاسىنىڭ ورىنباسارى اسىلبەك جەەن­بە­كوۆپەن كەزدەستى. اڭگىمە بارىسىندا پارلامەنتارالىق ءوزارا ىن­­تىماق­تاستىقتىڭ نەگىزگى باعىتتارى جايىندا پىكىر الىسىلدى. سونىمەن بىرگە, تاراپتار قازان ايىندا قىرعىزستاندا وتەتىن قازاقستان رەسپۋبليكاسى پار­لامەنتى ءماجىلىسى مەن قىرعىز رەسپۋبليكاسى جوگوركۋ كەنەشى اراسىنداعى ىنتىماقتاستىق بوي­ىنشا پارلامەنتارالىق كوميسسيانىڭ وتىرىسىنا ازىرلىك جايىندا اقىلداستى. قىرعىزستان پار­لا­مەنتىنىڭ ۆيتسە-سپيكەرى قازاقستاندىق پارلامەنتشىلەردى قىرعىز رەسپۋبليكاسى تاۋەلسىزدىگىنىڭ 20 جىل­دىعىنا ارنالعان حالىقارالىق كونفەرەنتسيا جۇمىسىنا قاتىسۋعا شاقىردى. كەزدەسۋدى قورىتا كەلە, ج.كارىبجانوۆ قازاق­ستان رەس­پۋبلي­كاسىنىڭ پرەزيدەنتى نۇرسۇلتان نا­زارباەۆتىڭ كاندي­داتۋراسىن الەمدىك «نوبەل» سىي­لىعىنا ۇسىنۋ تۋرالى قىرعىز رەسپۋبليكاسى جوگوركۋ كەنەشى كوتەرگەن باستامانى ەلباسىنىڭ يادرولىق قارۋسىزدانۋ مەن بەيبىتشىلىكتى قالىپ­تاستىرۋ ۇدەرىسىنە قوسقان ۇلەسىن تانۋ بولىپ تا­بىلاتىنىن اتاپ ءوتتى.