ق.توقاەۆ ەكىجاقتى قاتىناستاردىڭ قارقىندى سيپاتىن اتاپ ءوتتى. سەنات توراعاسىنىڭ پىكىرىنشە, پرەزيدەنت ن.نازارباەۆتىڭ بيىلعى قازان ايىنداعى ستوكگولمگە جوسپارلانعان ساپارى ەكى ەل اراسىنداعى, اسىرەسە, ساۋدا جانە ينۆەستيتسيا سالاسىنداعى ىنتىماقتاستىقتى جاڭا ساپالىق دەڭگەيگە شىعارادى.
شۆەتسيا يننوۆاتسيالىق جوبالاردى ىسكە اسىرۋدا الەمدىك كوشباسشىلاردىڭ قاتارىندا. ق.توقاەۆ وسىعان بايلانىستى ءبىزدىڭ اۋماققا جوعارى تەحنولوگيالىق ءوندىرىس اكەلۋگە دايىن شۆەد كومپانيالارىنىڭ قازاقستاندىق نارىققا كەلۋىنە مۇددەلىلىگىن ءبىلدىردى. سونداي-اق, سەنات توراعاسى شۆەتسيانىڭ جاڭارتىلاتىن ەنەرگيانى پايدالانۋ جونىندەگى تاجىريبەسى قازاقستانعا كەرەك بولۋى ىقتيمال, دەپ سانايدى.
ق.توقاەۆ شۆەتسيا پارلامەنتى قازاقستان مەن ەۋروپالىق وداق اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمدى ءبىرىنشى بولىپ راتيفيتسيالاعانداردىڭ ءبىرى ەكەنىن اتاپ ءوتتى. بۇل قۇجات ءبىزدىڭ ءوزارا قاتىناستارىمىزدا جاڭا تاراۋ بولىپ وتىر. ەۋروپالىق وداق استانانىڭ ساۋدا-ەكونوميكا جانە ينۆەستيتسيا سالاسىندا جەتەكشى ارىپتەستەرىنىڭ ءبىرى ەكەنى بەلگىلى.
ۋ.الين ەكىجاقتى بايلانىستاردا پارلامەنتارالىق ۇنقاتىسۋدىڭ ەرەكشە ورىن الاتىنىن اتاپ ءوتىپ, شۆەد تاراپىنىڭ قازاقستانمەن جان-جاقتى ءوزارا ءىس-قيمىلدى كەڭەيتۋگە ىقىلاسىن راستادى.
