حالىقتاردى جاقىنداستىراتىن شارا

«مەمساراپتاما» رمك-ءنىڭ ۇي­­­ىتقى بولۋىمەن ق.قۋانىشباەۆ اتىنداعى قازاق دراما تەاترىندا ەلىمىزدىڭ بارلىق ەتنوستارىنىڭ باسىن قوسقان ءتىل فەستيۆالى بو­لىپ ءوتتى. رەسپۋبليكانىڭ تۇكپىر-تۇكپىرىندەگى كاسىپورىنداردىڭ كور­­كەمونەرپازدار ۇجىمدارىن جي­نا­عان استاناداعى بايقاۋ تمد ەلدەرىنىڭ, سونىڭ ىشىندە, قازاق­ستان باسشىسى ايتىپ جۇرگەن ءما­دەنيەتارالىق جانە ۇلتارالىق ءۇن­قاتىسۋدى قالاي قۇرۋ كەرەك­تى­گىنىڭ ناعىز ۇلگىسىنە اينالدى. قازاقستاننىڭ بايلىعى – ونىڭ مادەني ارالۋاندىعىندا. كەزىندە رەسپۋبليكا ءتۇرلى حالىقتاردىڭ ورتاق ۇيىنە اينالدى. سولاردىڭ كوبىنىڭ وزدەرىنىڭ مادەنيەتىن, سالت-داستۇرلەرىن ۇمىتپاي, ۇلت­تىق بولمىستارىن ساقتاۋعا تال­پىناتىنى قۋانارلىق ءجايت. ولاي دەيتىنىمىز, عالىمدارىنىڭ ايتۋ­لارىنشا, ءاربىر ەكى اپتا سايىن ءبىر ءتىل قولدانۋدان شىعىپ قالا­تىندىقتان, عاسىردىڭ سوڭىنا تامان قازىرگى بار تىلدەردىڭ تەڭ جار­تىسىنىڭ جويىلىپ كەتۋى ءمۇم­كىن ەكەن. لينگۆيستەر اتاپ كورسەتكەندەي, حالىقتاردىڭ 80 پايىزى 80 تىلدە سويلەسە, بى­لاي­عى 3,5 مىڭ ءتىلدى جەر شارى حال­قى­نىڭ 0,2 پايىزى عانا قولدا­نا­دى. ساراپشىلار مۇنى جاھان­دا­نۋ ۇدەرىسىمەن بايلانىستىرادى. «تىلگە قۇرمەت – ەلگە قۇرمەت» دەگەن اتپەن وتكەن فەستيۆال قا­زاقستاندىقتاردىڭ ۇلتتىق ءارالۋ­ان­دىعىن بارىنشا اشىپ كورسەتە ءبىلدى. – فەستيۆالدىڭ ماقساتى – مەم­ساراپتاما ماماندارىن, ءاسى­رەسە, جاس ۇرپاقتى پاتريوتيزم رۋ­حىندا, رەسپۋبليكامىزدا تۇرىپ جاتقان بارلىق ۇلتتار مەن ۇل­ىستاردىڭ سالت-داستۇرلەرىن سىي­لاۋعا تاربيەلەۋ, – دەيدى «مەمساراپتاما» رمك باس ديرەكتورى ءبىر­لىك ەرەجەپوۆ. – سونىمەن بىرگە قازاق حالقىنىڭ مادەني مۇ­را­لارى مەن ءتىلىن دە جەتە ۇيرەنۋ قاجەت. بايقاۋ باعدارلاماسى بىرنەشە باعىتتاردى قامتىدى. الدىمەن قاتىسۋشى كوماندالار قازاق­ستان­دا تۇراتىن حالىقتاردىڭ ءبى­رىنىڭ اندەرى مەن بيلەرىن ورىن­داپ, ونىڭ ۇلتتىق تاعامدارى مەن كادەسىيلارىن تورەشىلەر تال­قى­سىنا ۇسىندى. ەكىنشى تۋردا باي­قاۋعا قاتىسۋشىلار قۇرىلىس تەر­ميندەرى بويىنشا بىلىمدەرىن اباي تىلىندە ءتۇسىندىردى. سوڭىندا ماقال-ماتەلدەرگە, بەلگىلى قازاق جازۋشىلارىنىڭ ءتىل تۋرالى ايت­قان­دارىنا قاتىستى تۇسىنىكتەرىن ورتاعا سالدى. قورىتىندىسىندا مەمساراپ­تا­مانىڭ الماتىداعى وڭتۇستىك في­ليالى ءبىرىنشى ورىندى, استا­نا­داعى باس كاسىپورىن ەكىنشى ور­ىندى, «تالدىقورعان­مەمساراپ­تا­ما» ەمك ءۇشىنشى ورىندى يەلەنسە, گران-ءپريدى «شىعىسمەم­سا­راپتاما» ەمك مەن ونىڭ سەمەيدەگى فيليالى جەڭىپ الدى. كوماندالاردىڭ ءبارى كاسىپورىن باسشىلىعىنىڭ اعىس حاتت­ارى­مەن ماراپاتتالدى. – ادامداردىڭ ءبىر-ءبىرىنىڭ ءما­دە­نيەتىمەن نەعۇرلىم كوبىرەك تا­نىسىپ, حالىقتاردىڭ ءوزارا جا­قىن­داسا تۇسكەنىن قالار ەدىم, – دەيدى لەزگينكا ءبيىن كەلىستىرە بيلەپ شىققان «شىعىسمەمسا­راپ­تا­ما» ەمك فيليالىنىڭ اقپا­رات­تار جونىندەگى جەتەكشى ماما­نى تالانت وماربەكوۆ, ءىس-شارا تۋرالى ءوز ويىن بىلدىرە وتىرىپ. تىلدەر فەستيۆالى قاتىسۋشى­لاردىڭ ءبارىنىڭ دە كوڭىلىنەن شى­عىپ, ولاردىڭ وزدەرىن قازاقستان حالىقتارىنىڭ ۇلكەن وتباسىنىڭ قۇرامداس بولىگى رەتىندە سەزىنۋىنە جاعداي جاسادى. ۇيىمداستى­رۋ­شى­لار بايقاۋدى ءداستۇرلى تۇردە جىل سايىن وتكىزىپ تۇرۋ جونىندە شەشىم قابىلداپ وتىر. ەسەن باەۆ. –––––––––––– سۋرەتتى تۇسىرگەن يگور بۋرگاندينوۆ.