ەنەرگەتيكانى دامىتۋ – ەكونوميكانى نىعايتۋ

پارلامەنت ءماجىلىسىنىڭ ەكونوميكالىق رەفورما جانە وڭىرلىك دامۋ كوميتەتىنىڭ ۇيىمداستىرۋىمەن «كەيبىر زاڭنامالىق اكتىلەرگە ەلەكتر ەنەرگەتيكاسى, تابيعي مونوپوليالارمەن رەتتەلەتىن نارىق سۋبەكتىلەرىنىڭ ينۆەستي­تسيالىق قىزمەتى ماسەلەلەرى بويىنشا تولىقتىرۋلار مەن وزگەرىستەر ەنگىزۋ تۋرالى» زاڭ جوباسى بويىنشا دوڭگەلەك ۇستەل ءوتتى. مەملەكەت باسشىسى ن.نازارباەۆ پارلامەنتتىڭ بەسىنشى سەس­سياسىنىڭ اشىلۋىندا بىزگە 4 توپ­تامادان تۇراتىن زاڭ شىعا­رۋ­شىلىق تاپسىرما بەرگەن بولا­تىن. سونىڭ ءبىرىنشى توبىندا ينۆەستيتسيالىق مۇمكىندىكتەردى ارتتىراتىن سالاعا قاتىستى زاڭ­دار جاساپ بەرۋىمىز تاپسى­رىل­عان. پرەزيدەنت ەنەرگەتيكانى دامىتۋ ەل تاۋەلسىزدىگىن بەكەمدەۋ ەكەنىن اتاپ وتكەن ەدى. سون­دىقتان وسى زاڭ جوباسى ءماجىلىس قورجىنىنا كەلىپ ءتۇسىپ, بۇگىنگى دوڭگەلەك ۇستەلدە قارالىپ وتىر. ەڭ ماڭىزدى شارۋانىڭ ءبىرى ەلەكتر قۋاتى مەن ينۆەس­تي­تسيا­لىق سالانى رىنوكتا رەتتەۋ بو­لىپ تابىلادى. زاڭ جوباسىنىڭ تانىستىرىلىمى وتكىزىلىپ, جۇ­مىس توبىنىڭ وتىرىستارىندا تالقىلاندى. وعان دەپۋتاتتار تاراپىنان 127 تولىقتىرۋ ءتۇستى. بۇگىن ونى جان-جاقتى تاعى ءبىر تالقىلاپ, ءوندىرۋشى مەن تۇتىنۋ­شى تالابىنان شىعاتىنداي ەتىپ جاساۋىمىز كەرەك, دەدى كوميتەت توراعاسى سەيىتسۇلتان ءايىم­بەتوۆ. زاڭ جوباسى بويىنشا جۇمىس توبىنىڭ جەتەكشىسى ۆالەري دوسكالوۆ دوڭگەلەك ءۇس­تەلدى جۇرگىزىپ وتىردى. دوڭگەلەك ۇستەلدە كۇن ءتارتى­بىندە قارالىپ جاتقان تاقى­رىپ­­قا بايلانىستى تابيعي مونوپو­ليا­لاردى رەتتەۋ ءجونىن­دەگى اگەنت­تىك توراعاسى نۇرلان الدابەرگەنوۆ پەن يندۋستريا جانە جاڭا تەحنولوگيالار ۆيتسە-ءمينيسترى باقىتجان جاق­ساليەۆ بايانداما جاسادى. اتال­عان زاڭ جو­باسىنىڭ ماقساتى ەلەكتر ستانسا­لارىنىڭ ينۆەس­تي­تسيالىق قىز­مەتىنىڭ اشىقتى­عىن ارتتىرۋ مەن ينۆەستي­تسيا­لىق مىندەتتەمەلەرى كولەمى­نىڭ تاريفتىك تابىس دەڭ­گەيىنە ءساي­كەستىگىن قامتا­ماس­ىز ەتۋ جانە قازاقستان ەكونومي­كاسىنىڭ ەلەكتر ەنەرگياسى مەن قۋاتىنا قاجەتتىلىگىن قۋات رى­نوگىن ەنگىزۋ ەسەبىنەن قامتا­ماسىز ەتۋ بولىپ تابىلاتىنى اتاپ كور­سەتىلدى. زاڭ جوباسى 2010 جىلعى 22 قاڭتاردا وتكەن كەڭەستە مەملەكەت باسشىسى بەرگەن تاپسىر­ما­لاردى ورىنداۋ ءۇشىن ازىرلەنگەن, سونىمەن قاتار, «تابيعي مونوپوليالار مەن رەتتەلەتىن نارىق­تار تۋرالى» جانە «ەلەكتر ەنەر­گە­تيكاسى تۋرالى» زاڭدار مەن اكىمشىلىك قۇقىق بۇزۋشىلىق تۋرالى كودەكسكە تولىقتىرۋلار مەن وزگەرىستەر ەنگىزۋدى كوزدەيدى. دوڭگەلەك ۇستەلدە «KEGOC» اق-تىڭ ماتەريالدىق-تەحنيكا­لىق قامتاماسىز ەتۋ جانە جۇيە­لىك قىزمەت بويىنشا اتقارۋشى ديرەكتورى ۆالەري لي, «قازاق­ستاننىڭ يندۋستريانى دامىتۋ ينستيتۋتى» اق ەلەكترەنەر­گە­تي­كاسىن دامىتۋ ورتالىعىنىڭ دي­رەكتورى ءانۋار تۇكەنوۆ, «ەنەر­گوپروم» عىلىمي-زەرتتەۋ ينستي­تۋتى» اق پرەزيدەنتى گەننادي اندرەەۆ, USAID-ءتىڭ ەلەكترەنەر­گەتيكالىق رىنوكتار باعدارلا­ماسى بويىنشا كەڭەسشىسى بەككەر مايكل قوسىمشا باياندامالار جاسادى. زاڭ جوباسىن تالقىلاۋ قىزۋ ءجۇردى. ساۋلە دوسجانوۆا, جۋرناليست.