الىستان اكەلىنگەن مالدار تانىستىرىلدى

پارلامەنت «ەگەمەن قازاقستاننىڭ» ارناۋلى بەتى ______________ بۇگىنگى تاڭدا اگروونەركاسىپ كەشەنى الدىنا 2016 جىلعا قاراي سيىر ەتىنىڭ ەكسپورتتىق الەۋەتىن 60 مىڭ تونناعا دەيىن جەتكىزۋ مىندەتى قويىلعانى بەلگىلى. بۇل تۇرعىدا ەلىمىزدە بىرقاتار جوبا­لار­دىڭ ءجۇ­زە­گە اسىرىلىپ جات­قا­نى دا ايقىن. وسى رەتتە قانات­قاق­تى جوبالاردىڭ كەيبىرىنىڭ قان­شا­لىقتى دەڭگەيدە العا باسىپ جات­قا­نىن كورسەتۋ ءۇشىن «قازاگرو» ۇبح» اق ءبىر توپ ءجۋرناليستى اق­مولا وبلىسىنىڭ, ەڭ­بەك­شىلدەر اۋ­دانىنداعى ماماي اۋى­لىنا الىپ كەلدى. سونىمەن قا­تار, بۇل جەردە پارلامەنت سەناتى اگرار­لىق ماسەلەلەر جانە قورشا­عان ورتانى قورعاۋ كوميتەتىنىڭ بولات جىلقىشيەۆ باستاعان ءبىر توپ دەپۋتاتى دا بولدى. اتالعان اۋىلدا «قازاقستان رەس­پۋبليكاسىندا ءىرى قارا مال ەتىنىڭ ەكسپورتتىق الەۋەتىن دا­مى­تۋ» جو­با­سى شەڭبەرىندە «قاز­اگرو­ونىم» اق «ارقايسىسى 1000 ءىرى قارا انالىق مال باسىنا ار­نالعان ەكى اسىل تۇ­قىمدى رەپرودۋكتور – شارۋاشىلىق قۇرۋ» جانە «5000 باس ءىرى قاراعا ارنال­عان دامىعان ينفرا­قۇرىلىمى بار بورداقىلاۋ الاڭىن قۇرۋ» جوبا­لارىن جۇزەگە اسىرۋدا. ينۆەس­تي­تسيالىق جوبا «قازاگرو­ونىم» اق-تىڭ ەنشىلەس ۇيىمى «KazMeet» جشس ارقىلى قانات قاعۋدا ەكەن. بۇل سەرىكتەستىك امەري­كالىق «Glo­bal Beet Consultans, LLC» كوم­پا­نياسى­مەن بىرلەسىپ, «Kaz­BeetLtd» بىرلەسكەن كاسىپور­نىن قۇرىپتى. مۇندا قازاقستاندىق تاراپتىڭ قاتىسۋ ۇلە­سى 85 پايىز بولسا, امەريكالىقتارعا 15 پايىز تيەسىلى ەكەن. – جوبانىڭ نەگىزگى ماقساتى – اسىل تۇقىمدى بازانىڭ مۇمكىن­دىك­تەرىن بارىنشا قولدانۋ ار­قى­لى وسىرىلەتىن ەتتى مال باسىنىڭ گەن­دىك الەۋەتىن جاقسارتۋ, سونداي-اق شەتەلدىك سۇرىپتاۋدان وتكەن ەڭ جاقسى ءىرى قارانىڭ اسىل تۇقىمدى جوعارى ءونىمدى انالىق مال باسىن اكەلۋ ارقىلى ەتتىك باعىتتاعى ءىرى قارا مال باسىن كوبەيتۋ. اتالعان جوبا شەڭبەرىندە ەلىمىزدىڭ سول­تۇس­تىك ايماقتارىنىڭ كليماتتىق جاعدايلارىنا ەڭ ۇقساس اقش-تىڭ سولتۇستىك داكوتا شتاتىنان ەتتى باعىتتاعى گەرەفورد جانە انگۋس تازا اسىل تۇقىمدى جوعارى ءونىمدى 1377 باس مال اكەلىندى, ونىڭ 1327-ءى انالىق باس. اعىمداعى جىلدىڭ سو­ڭىنا دەيىن بۇل تۇقىمداردان تاعى دا 673 باس اكەلۋ جوسپاردا تۇر, – دەي­دى «قازاگرو» ۇبح» اق باس­قار­ما توراعاسى بەرىك بەيسەنعاليەۆ. اكەلىنگەن مال باسى ءۇشىن بار­لىق جاعداي جاسالىنسا, ونىڭ ىشىندە جەم-ءشوپ باعاسى, جوباعا قاتىس­تى تەحنولوگيالىق قۇرال-ساي­مان­دار­مەن تولىق جاساقتال­عان. وسىن­داعى ماماندار بىلتىر اكە­لىنگەن اسىل تۇقىمدى مال جەرگىلىكتى باعۋ جاعدايلارىنا جاقسى بەيىمدەلدى دەپ سەندىردى. بۇزاۋلا­عان سيىر­لار­ تولدەرىمەن بىرگە قازىر­گى كەزدە ارنايى جايلاۋدا ور­نالاس­قان. سونى­مەن بىرگە, قولدان ۇرىقتان­دى­رۋ جۇرگىزىلىپ, ۆاكتسينا جاسالعان. «قازاگرو» ۇبح» اق توراعاسى ب.بەيسەنعاليەۆتىڭ ايتۋىنشا, بۇل مالداردى اكەلۋ اسا قاجەت­تى­لىك­تەن تۋىنداعان. قازىرگى كەزدە ەلىمىزدە ەت­تىك باعىتتاعى اسىل تۇقىمدى ءىرى قا­رانىڭ جالپى سانى 121 مىڭ باس بولسا, ونىڭ 50,6 مىڭى عانا انالىق. «قازاقستان رەسپۋبليكاسىندا ءىرى قارا مال ەتىنىڭ ەكسپورتتىق الەۋە­تىن دامىتۋ» جوباسىنا سايكەس وتاندىق بيزنەستىڭ قاتى­سۋى­مەن ەلى­مىزدىڭ ءار ايماعىندا وسىعان ۇقساس شارۋاشىلىقتار قۇرۋ قاراستى­رى­لىپ, سونىمەن بىرگە, اسىل تۇقىمدى شارۋا­شى­لىقتاردىڭ قولدا بار ىشكى الەۋەتىن پايدالانۋ جوسپارلان­عان كورىنەدى. ءابدىراحمان قىدىربەك. اقمولا وبلىسى. سۋرەتتى تۇسىرگەن ولگا كادۋشكينا.