ارنايى جاتتىعۋ وتكىزىلدى

تاراز قالاسىندا ءىىم القا­سى­نىڭ كەڭەيتىلگەن كەزەكتى كوشپەلى وتىرىسى وتكىزىلدى, وندا ىشكى ىستەر ورگاندارىنىڭ جەدەل-قىزمەت­تىك جۇمىسى تاقىلانىپ, الداعى كە­زەڭگە جاڭا مىندەتتەر بەلگىلەندى. مەملەكەت باسشىسىنىڭ نۇس­قاۋىنا سايكەس الداعى ۋاقىتتا ىشكى ىستەر ورگاندارى ناتيجەلەرىنىڭ ولشەمدەرى ساندىق كورسەت­كىشتەر ەمەس, ازاماتتاردىڭ سەنىم دەڭ­گە­يىمەن ايقىندالاتىن جۇمىس سا­پاسى بولادى. سوندىقتان, اعىم­داعى جىلدىڭ قاڭتا­رىنان باستاپ باس پروكۋراتۋرامەن بىرلەسىپ, قىل­­­­مىستار تۋرالى بارلىق ارىزدار مەن حابارلامالاردى تولىق جانە ناقتى تىركەۋگە نازار اۋدارىلۋدا. ىشكى ىستەر ءمينيسترى ق. قاسىموۆ ەسەپكە الۋ مەن تىركەۋدەن جا­سىر­عان قىلمىستىڭ ءاربىر دەرەگى بوي­ىنشا كىنالى قىزمەتكەرلەرگە ءتار­تىپتىك شارالار, ونىڭ ىشىندە جۇ­مىستان بوساتۋ جانە قىلمىستىق جاۋاپكەرشىلىككە تارتۋ شارا­سىن قولدانۋعا دەيىن قىزمەتتىك تەكسەرىس جۇرگىزۋدى قاتاڭ تالاپ ەتتى. ۆەدومستۆو باسشىلىعى قىلمىستىق-اتقارۋ جۇيەسىنىڭ مەكەمەلەرىندە ءتيىستى ءتارتىپ ورناتۋعا, قىل­مىس­تىق-اتقارۋ جۇيەسىن ىزگىلەندىرۋ باعىتىن جالعاستىرۋعا, حالىق­ارا­لىق ستاندارتتارعا سايكەس سوت­تال­عانداردى ۇستاۋ جانە ولاردىڭ قۇقىقتارىن ساقتاۋدى قامتاماسىز ەتۋگە ەرەكشە نازار ءبولدى. سونداي-اق, مۇندا كوماندا­لىق-شتابتىق وقۋ-جاتتىعۋ وتكى­زىلدى. وقۋ-جاتتىعۋعا پرەزيدەنت­تىڭ كومەكشىسى – قازاق­ستان رەس­پۋبليكاسى قاۋىپسىزدىك كەڭەسىنىڭ حاتشىسى م.ءتاجين جانە ءبىر­قاتار ورتالىق مەملەكەتتىك ورگاندار­دىڭ باسشى­لارى قاتىستى. وقۋ-جاتتىعۋ داعدارىستىق جاعدايلار قاۋپى تونگەن جانە تۋىنداعان كەزدە قوعامدىق قاۋىپسىزدىكتى قام­تاماسىز ەتۋ ءۇشىن ۋاكىلەتتى مەملەكەتتىك ورگاندار ءبولىنىس­تەرىنىڭ ءوزارا ءىس-قيمىل جاساسۋ ۆەدوم­ستۆوارالىق تەتىكتەرىن دايىنداۋ ماقساتىندا وتكىزىلدى. وقۋ-جاتتىعۋدا ىشكى اسكەرلەر­دىڭ «بۇركىت» ارنايى ماقسات­تاعى ءبولىنىسىنىڭ جاۋىنگەرلەرى تىكۇشاق پەن ارنايى بروندى اۆتوكولىك­تەر­دى پايدالانا وتىرىپ, ادامداردى كەپىلگە العان قىلمىس­كەرلەردى زا­لالسىزداندىرۋ, كەپىلگە الىنعان ادامداردى بوساتۋ, ارنايى قۇ­رال­داردى پايدالانۋ, سونداي-اق ال­عاشقى مەديتسينالىق كومەك كور­سەتۋ داعدىلارىن قولدانۋ بوي­ىن­شا ءىس-ارەكەتتەردى پىسىقتادى, دەپ حا­بار­لادى ءىىم-ءنىڭ ءباسپاسوز قىزمەتى.