پوليتسيا الاياقتىق فاكتىسى بويىنشا سوتقا دەيىنگى تەرگەۋ امالدارىن جۇرگىزگەن. سونىمەن قاتار اۋەجاي اۋماعىندا شەت ەل ازاماتىن تاكسيگە وتىرعىزعان دەلدالدىڭ كىم ەكەنى انىقتالىپ جاتىر.
«تاكسي جۇرگىزۋشىسى تەرگەۋ بارىسىندا شەت ەل ازاماتىن تۇراققا اكەلىپ كولىككە وتىرعىزعان ادام 3000 تەڭگە تولەگەنىن ايتتى. ول ادام مەيمانمەن بىرگە ق.ساتپاەۆ كوشەسىندەگى قوناق ۇيگە دە بىرگە كەلگەن. شەت ەلدىكتىڭ ايتۋىنشا, ونى تاكسي تۇراعىنا اكەلگەن ادام 16 000 تەڭگە سۇراعان. قوناق ۇيگە ورنالاسقان سوڭ ونداعى قىزمەتكەرلەر اۋەجايدان قوناق ۇيگە دەيىن ءارى كەتسە 4000 بولاتىنىن ايتقان سوڭ نەمىس پوليتسياعا حابارلاسقان», — دەپ حابارلايدى قالالىق پوليتسيانىڭ ءباسپاسوز قىزمەتى.
قازىر ماسەلەنىڭ ءمان جايىن انىقتاۋ شارالارى ءجۇرىپ جاتىر. بۇعان دەيىن دە قوعامدىق رەزونانس تۋدىرعان وسىنداي جايسىز جاعداي بولعان. ول كەزدە تاكسيست ۆەنگريا ازاماتىن ۋاعدالى جەرگە جەتكىزىپ تاستاعانى ءۇشىن 40 مىڭ تەڭگە العان. كەيىن جۇرگىزۋشى اقشانى قايتارىپ بەردى.
