كوركەم كورىنىستەر الەمى

استانادا  «كورمە» كورمەلەر ور­تالىعىندا  قازاقستاندىق حالىق­ارالىق  «دەمالىس-Astana  Leisure 2011» تۋريستىك كورمەسى ءوتتى. وسى­عان وراي, كورمەنىڭ اشىلۋ سالتاناتى بولىپ, وعان  تۋريزم جانە سپورت مينيسترلىگى  تۋريزم يندۋسترياسى كو­مي­تەتىنىڭ ءتورايىمى  قارلىعاش  كا­كەن, تۋريزم جانە سپورت مي­نيسترىنىڭ كەڭەسشىسى  ەۆگەني  نيكيتينسكي, استانا قالاسى  تۋريزم, دەنە ءتار­بيە­سى جانە سپورت باسقار­ما­سى­نىڭ باستىعى  ايتالاپ  قورعام­باەۆ, سونداي-اق «ITECA» جشس-نىڭ تۋريستىك جوبالار جونىندەگى مەنەدجەرى    ۆيكتوريا  پاۆلەنكو قاتىستى. اتالعان كورمەگە  ارگەنتينا, گرۋزيا, قازاقستان, قىتاي, بىرىككەن  اراب  امىرلىكتەرى, رەسەي, تاي­لاند, تۇركيا, شۆەتسيا, ۋكراينا سىندى ەلدەردەن الپىسقا جۋىق كومپانيالار قاتىسۋدا. ال مۇن­داعى ەكسپو­زيتسيا وتكەن جىلمەن سالىستىر­عان­دا  20 پايىزعا ۇلعايعان. «دەمالىس- Astana  Leisure 2011» كورمەسىندە  ءتورت ۇلتتىق تۋريستىك ۇيىم  ستەندتەرىن نازارعا ۇسىنسا, بيىل  استاناعا تۇڭعىش رەت  گرۋزيانىڭ  ۇلتتىق تۋريستىك ۇيىمى  كەلىپ وتىر ەكەن. سونىمەن بىرگە بۇل شارادا  ەلىمىزدىڭ بارلىق ولكەلەرى  لايىقتى كورىنىس تاپقان. الەمدىك ستاتيستيكاعا سۇيەنسەك, كومپانيالاردىڭ دەنى  جولدامالار­دىڭ 40 پايىزىن وسىنداي  كورمە­لەردىڭ ارقاسىندا ساتادى ەكەن. سوندىقتان دا بۇل كورمەنىڭ تۇپكى ماقساتىن باعامداۋ قيىن ەمەس. «ەگەمەن- اقپارات».