ۋاقىت تالابىنداعى مىندەت

اسەم استانامىزدىڭ كۇن ساناپ ءوسىپ, وركەندەۋى قوسىمشا قىزمەت تۇرلەرىنىڭ اياسىن دا كەڭىتۋدە. قازىر ەلوردانىڭ اينا­لا­سىندا تۇتاس الگومەراتسيالىق جەلى قالىپتاسىپ كەلەدى. وسى­دان كەلىپ تۋىندايتىن باستى ماق­سات قالىڭداي تۇسكەن تۇرعىن­داردى ساپالى ازىق-ت ۇلىكپەن جىل بويى قامتاماسىز ەتۋ ەكەندىگى بەلگىلى. ەلباسى بۇل جونىندە ىرگەلەس اقمولا وبلىسىنا ۇلكەن مىندەتتەر جۇكتەپ وتىر. قالا­لىق­تارعا نان, ەت, ءسۇت ونىمدەرى­مەن قاتار, كوكونىس پەن جەمىستەردى توقتاۋسىز جەتكىزىپ بەرۋ دە جاۋاپتى ءىس. ال ونى استانا داستارقانىنان جىل بويى ۇزبەۋ ارنايى قويمالارسىز شەشىلە قويمايدى. قويمالار بۇرىننان بولعانىمەن, ۋاقىت تالابىن­داعى نىساندار ساناۋلى. سولار­دىڭ ءبىرى ارشالى اۋدانىنىڭ ورتالىعىنداعى «فورمۋلا ۋسپەحا» كومپانياسى» جشس-نىڭ جاڭا ۇلگىدەگى قويمالارى دەۋىمىزگە بولادى. ءبىز ۇجىم باسشىسى مۇرات شاي­مەردەنوۆپەن بيىلعى اقپان ايىندا كوكشەتاۋ قالاسىندا ءوت­كەن اۋىلشارۋاشىلىق ونىمدەرى­نىڭ جارمەڭكەسىندە تانىسقانبىز. قاقاعان ايازدا بۇلاردىڭ الىپ رەفريجەراتور كولىگىنىڭ ماڭايى كىسىدەن ءبىر ءسات ۇزىلمەگەن. قالا­لىقتار قاپتاپ كارتوپ پەن قى­رىققابات, پياز, كەلىلەپ الما, ال­مۇرت, ءجۇزىم الىپ, جۇزدەرى جادى­راپ سالا بەرگەن. باعاسى دا دۇكەن­دەر مەن جابىق بازاردا­عىدان 30 پايىزعا ارزان. بۇل دەل­دالسىز ساۋدانىڭ ارتىقشىلىعىن كورسە­تە­دى. ايتپاقشى, جوعارىدا­عى ءجار­مەڭكەنىڭ ءبىر كۇنىندە سەرىكتەستىك استانا مەن كوكشەتاۋدا 20 توننا كارتوپ, 9 توننا ءسابىز, 8 توننا پياز ساۋدالاپتى. ءبىز وسى­دان كەيىن جشس ديرەكتورىمەن ءجيى كەزدەسىپ تۇردىق. جاقىندا ارشالىدا بولۋدىڭ دا ءساتى ءتۇستى. قىركۇيەكتىڭ 17-ىندە دالادا 30 گرادۋستان استام ىستىق بولىپ تۇردى. قاز-قاتار تىزىلگەن قويما­لار­دىڭ شەتكىسىنە ەنگەنىمىزدە كا­دىمگىدەي توڭۋعا اينالدىق. مۇ­­نىڭ قوس قاپتالىندا كارتوپ, قى­زىل­شا, ءسابىز, قىرىققابات ساقتا­لادى ەكەن. ۇستاپ كورگەنىمىزدە باقشادان جاڭا عانا قازىپ نەمەسە ءۇزىپ الىنعانداي اسەردە بول­دىق. سونداي-اق, قويمالاردىڭ ءار­قايسىسىندا تەمپەراتۋرا ءارتۇرلى ەكەندىگىن بايقاپ كەلەمىز. ال تەرموس قويمالاردا انشەيىندە تەز بۇزىلاتىن جەمىستەر مەن كوك­ونىستەر ساقتالادى. جىلىلىق پەن سۋىقتىق اۆتوماتتى تۇردە رەت­تەلىپ, كومپيۋتەرمەن باسقارى­لادى. مۇرات باۋىرىمىز قالدىق­سىز جۇمىس ىستەيتىندىكتەرىن ايتا­دى, ءتىپتى, ءبىر پايىزدىق شىعىن دابىل قاعارلىق وقيعا سانالادى دەيدى. قويمالاردىڭ جالپى سىيىم­دىلىعى 3000 توننا اۋىلشا­رۋا­شىلىق ءونىمىن  ساقتاۋعا مۇمكىن­دىك بەرەدى. وسىنىڭ ارقاسىندا 2010 جىلعى تاۋار اينالىمى 100 ميلليون تەڭگەگە جەتكەن. ونىمدەر «سارىارقا» اكك-دەن جالعا الىنعان 17 پاۆيلوندا ساتىلۋدا. بۇگىنگى تاڭدا كومپانيا اس­تاناداعى «شارىن» بازا­رىندا سىيىمدىلىعى 80 توننا­لىق ەكى نۇكتە جانە «مەترو» ساۋدا-جارمەڭكە كەشەنىنەن ءدۇڭ­گىرشەك اشقان. بۇل كىرىس كوزەن مولاي­تاتىن قادام بولعانىمەن, «فورمۋلا ۋسپەحانى» ۋاقىت تالا­بىن­داعى جاڭا جوبا-جوسپارلار ما­زا­لايدى ەكەن. – قويمانى جابدىقتاۋمەن ءىس بىتپەيدى, – دەيدى كەزىندە 20 جىل كەڭشار باسقارعان تاجىريبەلى مامان م.شايمەردەنوۆ. – سەرۆيستىك دايىنداۋ ورتالىقتارىن قۇرۋ كەرەك. وسى باعىتتاعى يننو­ۆاتسيالىق جوبانى ۇكىمەت تە قول­داپ وتىر. ءبىز دايىندىق ساتىسىن باستاپ تا كەتتىك. جاڭا قويما سالىنىپ, وندىرىستىك بازا قايتا قۇرىلدى. قازىر ءوزىمىز كەلىسىم-شارت تۇزگەن شارۋاشى­لىق­تار مەن شارۋا قوجالىقتا­رىنان, وڭتۇستىك ولكەدەگى ارىپتەس­تەردەن ءارتۇرلى ونىمدەر جەتكىزىلۋدە. جۇمىسشى­لا­رىمىزدىڭ بار­لى­عى جەرگىلىكتى ازاماتتاردان ىرىكتەلىپ, ولارعا قولايلى ەڭبەك جاعدايلارى جا­سال­عان. ورتاشا جالاقى 50 مىڭ تەڭگەدەن اينالۋدا. مونشا­مىز, 60 ورىندىق ءدامحانامىز بار, قۋات­تى كومپرەسسورلار, تەحنيكالار الىپ جاتىر­مىز. بۇعان قى­رۋار قارجى جۇم­سالدى. ەندىگى جەردە, جان-جاقتى ساراپتالعان جو­بامىز قولداۋ تاپسا, تارازى شا­رۋا­شىلىعىنان باستاپ زەرت­حاناعا دەيىنگى وندىرىستىك قۋاتتار­دى ارتتىرۋ, دەربەس جەمىس-كوكونىس شارۋاشىلىعىن قۇرۋ, مال  ءونىم­دەرىن دايىنداۋ, شۇجىق تسەحىن اشۋ نيەتىندەمىز. قۇزىرلى ورىندار وسىنداعى جيىرما جۇمىسشىنى تولعاندى­راتىن تومەندەگى ماسەلەنى شەشۋگە سەپتىك جاسالسا دەگەن تىلەك ايتىلدى. ياعني, كومپانيا 51 پايىزدىق ۇلەسپەن «سارىارقا» اكك-مەن ارىپتەستىك بايلانىستا بولىپتى. بيىل «سارىارقا» استانا قالاسىنىڭ قاراۋىنا كوش­كەن. سول  ۇلەس ارشالىلىقتاردىڭ مەنشىگىنە بەرىلسە, ورتاق ءىستىڭ اياسى كەڭىپ, تيىمدىلىك ارتا تۇسپەك. قۇلشىنىس جەتەگىندەگى ۇجىم بۇعان كەپىلدىك بەرەمىز دەيدى. ۇنەمى قوزعالىس پەن ىزدەنىس ۇستىندەگى ءىستىڭ ەسەلى قايتارىمى بولاتىندىعى بەلگىلى. وسى رەتتە, «فورمۋلا ۋسپەحانىڭ» تالپى­نىس­تارى تابىسقا باستايدى دەگەن ويدامىز. باقبەرگەن امالبەك. اقمولا وبلىسى, ارشالى اۋدانى.