شارادا وبلىستىق مادەنيەت باسقارماسىنا قاراستى وڭتۇستىك-تسيركتىڭ ەسترادالىق دجاز وركەسترى مەن ارتىستەرى ونەر كورسەتتى. ەكى بولىمنەن تۇراتىن ەرەكشە جوبا اياسىندا تسيرك مەكەمەسىنىڭ «ح بەند» ەسترادالىق دجاز وركەسترىنىڭ سۇيەمەلدەۋىمەن وتاندىق جانە شەت ەلدىڭ تانىمال زاماناۋي شىعارمالارى جاندى داۋىستا ورىندالدى. وڭتۇستىك-تسيرك مەكەمەسىنىڭ ەسترادالىق دجاز وركەسترىنىڭ باس ديريجەرى, حالىقارالىق دجاز فەستيۆالدەرىنىڭ لاۋرەاتى - سەرىك وتەگەنوۆ. كاسىبي مۋزىكا ماماندارىنان قۇرالعان وركەستر ۇجىمىنىڭ كونتسەرتى كورەرمەن جۇرەگىنەن ورىن تاپتى. ەكسپو-2017 كورمەسىنىڭ اشىلۋىنا وراي وتكىزىلگەن جاندى داۋىستاعى تسيرك وركەسترىنىڭ كەشىنە قازاق ەستراداسىنىڭ ماەستروسى, سازگەر, قازاقستان رەسپۋبليكاسىنىڭ ەڭبەك سىڭىرگەن قايراتكەرى, ديريجەر نۇرلان بايگوزوۆ قاتىستى.
مۇنان بولەك, كورەرمەنگە وڭتۇستىك-تسيرك əرتىستەرىنىڭ «رەد-شوۋ» جوباسى اياسىندا «بولاشاق ەنەرگياسى» زاماناۋي جارىق ەففەكتىلى شوۋى دا جول تارتتى. «بولاشاق ەنەرگياسى» اتتى ەكسپو-نىڭ نىشانى كۇن قۋاتى, سۋ قۋاتى جانە جەر قۋاتى اتتى ءۇش ەلەمەنتتەن تۇراتىندىقتان
تسيركتىڭ فاەر-شوۋ, جارىق-شوۋ جانە اكروباتتارى مەن شوۋ بالەت əرتىستەرى اتالعان كورىنىستەردى سومدادى.
سۋرەتتى تۇسىرگەن: اسحات Əسساندي.
