ەل ەرتەڭى – ايبىندى جاس ساربازدار!

قورعانىس مينيسترلىگىنىڭ جاس­­تار­عا اسكەري-پاتريوتتىق تار­بيە بەرۋ با­عىتىندا اتقارىپ جات­قان جۇمىس­تا­رى­نىڭ اۋقىمى جىل وتكەن سايىن ۇل­عايىپ, ساپا­سى ارتىپ كەلەدى. مي­ني­س­تر­لىك «قازاقستان-2020: بولاشاققا باس­­­­تار جول» قازاقستان رەسپۋب­لي­­­كا­سى مەم­لەكەتتىك جاستار سايا­­­سا­تىنىڭ 2020 جىل­عا دەيىن­گى تۇجىرىمداماسى» ايا­سىن­دا ورتا­لىق جانە ايماقتىق ات­­قا­رۋ­­­­­شى ورگاندارمەن, قوعامدىق ۇي­­ىم­­دار­­­مەن بىرلەسىپ, ەلىمىز بوي­­ىنشا جاس ار­­ميا­شىلاردىڭ قو­­عامدىق قوزعالىسىن جان­دان­دىرۋ جۇمىستارىن ۇدايى جۇر­گى­­­زىپ كەلەدى.
بۇگىنگى تاڭدا بۇل جۇمىستار جە­مىستى ناتيجەلەرىن بەرۋ ۇستىن­دە دەپ تولىققاندى ايتا الامىز. ماسەلەن, سوڭعى جىلدارى ەلى­مىزدە اسكەري-پاتريوتتىق كلۋب­تار­دىڭ سانى 13 ەسەگە كوبەيسە (177-دەن 2308-گە), وقۋشىلاردى اس­كەري-پاتريوتتىق شارالارعا تارتۋ 70 پايىزعا وسكەن (38 000-نان 65 000-عا دەيىن). ءبىز بۇدان جاس­تار­دىڭ بوس ۋاقىتتارىن نە­عۇرلىم ءبىلىم الۋ­عا, اسكەري ءىستى مەڭگەرۋگە ارنايتىنىن اڭ­عا­رامىز. 
جىل سايىن ماۋسىم ايىن­دا «استانا» وڭىرلىك قول­باس­شى­لى­­عىنىڭ «سپاسسك» وقۋ-جاتتىعۋ ور­تالىعىندا مەملەكەتتىك دەڭ­گەيدە تاريحي ماڭىزى زور, تار­بيەلىك ما­عىناسى باسىم «اي­بىن» اسكەري-پات­ري­وتتىق جاس­تار جيىنىن وتكىزۋ داستۇرگە اي­­نالدى. وسى جەردە جيىننىڭ باس­تى مىندەتتەرىن دە اتاپ وتكەن ابزال. تارا­تىپ ايتار بولساق, ول – جاستاردىڭ اسكەري-پاتريوتتىق تاربيەسىن جەتىلدىرۋ, اسكەري-پاتريوتتىق كلۋبتاردىڭ ءىس-قي­مىلىن ۇيلەستىرۋ, جاستاردى قارۋلى كۇشتەردەگى اسكەري قىزمەتكە دايارلاۋ, ولاردىڭ بويىندا اسكەري قىزمەتتى وتەۋ كەزىندەگى قاجەت داعدىلار مەن ەپتىلىكتى قالىپتاستىرۋ, سونداي-اق جاستارعا سالاماتتى ءومىر سالتىن ناسيحاتتاۋ, دەنە, اسكەري-قول­دانبالى جانە تەحنيكالىق دايار­­لىقتى جوعارىلاتۋ.
قورعانىس مينيسترلىگى بي­ىل دا اس­كەري-پاتريوتتىق جۇ­مىس­تاردى ودان ءارى جەتىلدىرۋ, ءارت­ۇرلى مەملەكەتتەردەگى جاس سار­­­باز­­داردىڭ ۇيىم­دا­رى­مەن حا­لىق­­­ارالىق ىنتى­ماق­تاس­تىق­تىڭ ءپى­­شىنىن دا­مىتۋ, حا­لىق­ارالىق دوس­­تىقتى نى­عاي­­تۋ جانە جاستاردى ينتەر­نا­تسي­­ونالدىق كەلىسىم مەن ءوزارا قۇر­­مەت رۋحىندا تار­بي­ەلەۋ ماق­سا­تىندا 12-17 ماۋسىم ارا­لىعىندا «سپاسسك» وقۋ ور­­تا­لىعىندا ءىىى حالىق­ارالىق «اي­بىن» اسكەري-پاتريوت­تىق جاستار جي­ىنىن وتكىزبەك. وعان ەلى­مىز­دىڭ ءار ايماعىنان 600-دەن استام جاس قا­­تىساتىن بولادى. 
بيىلعى جيىننىڭ تا­عى ءبىر ەرەكشەلىگى, وعان وزبەكستان رەس­پۋبليكاسىنىڭ وكىل­دەرى قا­تىسقالى وتىر. شەت مەم­لە­كەت­­تەر­دىڭ اسكەري اتتا­شە­لەرى, ايماق­تار­داعى جاس­تار ىس­تەرى ماسە­­­لە­لەرى جونىندەگى باس­قار­ما­لار­دىڭ با­س­شىلارى جا­نە رەس­پۋب­لي­كال­ىق جاستار ۇيىم­دا­رى­­نىڭ كوش­­­باسشىلارى قوناق رە­­تىندە شا­قىرىلعانىن دا ايتا كەت­كەن ورىندى. 
«ايبىن» اسكەري-پاتريوتتىق جاس­تار جيىنى 13 ماۋسىمدا رەسمي تۇردە اشى­لىپ, جالاۋىن كو­تەرەدى. حا­لىق­ارا­لىق جيىننىڭ اشىلۋىندا قازاق­ستان­دىق اس­كەري قىزمەتشىلەر جەك­پە-جەك ۇرى­سى­نىڭ ايلا-تاسىلدەرىن, ار­نا­يى ماقساتتاعى بولىمشەلەردىڭ جاۋ­ىن­گەر­لەرى ۇرىس قيمىلدارىن, اۆياتسيا مەن ارتيللەريانىڭ قول­داۋىنا سۇيەنگەن روتالىق-تاك­تيكالىق توپ جاۋىنگەرلىك اتىستار كورسەتەدى. جيىنعا قاتى­سۋ­شىلار مەن مەيماندار اسكەري اۋە كۇشتەرى اۆياتسيالىق وقۋ ورتالىعىنىڭ ۇشۋ توپتارى مەن پاراشيۋتشىلەرىنىڭ, سونداي-اق قاراعاندى اسكەري-تەحنيكالىق مەكتەبى موتوتسيكليستەرىنىڭ ونە­رىن تاماشالايتىن بولادى.
بيىلعى جىلدىڭ تاعى ءبىر جا­ڭالىعى, بارلىق ايماقتىق اس­كە­ري-پاتريوتتىق كلۋبتاردىڭ جۇ­مىسىن ورتالىقتاندىرۋ, «جاس سارباز» رەسپۋبليكالىق شتابى­نىڭ ج­ۇ­­مىسىن جانداندىرۋ ماقساتىندا, قازاق­ستان رەسپۋبليكاسى قارۋلى كۇشتە­رى­­نىڭ ۇلتتىق اسكەري-پات­ري­وتتىق ورتا­لى­عى «ايبىن» حا­لىق­ارالىق اسكەري-پات­ري­وت­تىق جاستار جي­ىنىنىڭ رەسمي سايتىن ىسكە قوستى. 
سايتتان حالىقارالىق جيىن تۋ­رالى, جيىنعا قاتىسۋشى كوماند­الار مەن قا­تىسۋشىلارعا قاجەت اقپاراتتاردى (جا­رىس­­تار­دىڭ وت­كىزىلۋ ەرەجەسى, رەگلا­مەنتى, جي­ىن ەرە­جەسى, جيىن باس­شى­لى­عىنىڭ قۇ­رامى, ت.ب.) الۋ­عا بولادى. سو­نىمەن بىر­گە, جي­ىننىڭ وتكەن جىل­دار­دا­عى ما­تە­­ريالدارىمەن دە تولىق تانى­سا الاسىز. 
بيىلعى جيىننىڭ باستى جا­ڭالىعى, وعان قاتىسۋشى بار­­لىق اسكەري-پاتريوتتىق كلۋب­تار­دىڭ وزىندىك بەلگىلەرى بار ار­نايى جو­بامەن دايىندالعان كي­ىم ۇلگىسىمەن قام­تاماسىز ەتىلۋى بو­لىپ وتىر.
بۇگىندە جاستاردى پات­ري­و­ت­­تىق تۇر­عى­دان تاربيەلەۋ, اس­كەري-قولدانبالى سپورت تۇر­لە­رىن دارىپتەۋ, سپورتقا باۋلۋ جۇ­مىستارىن كۇشەيتۋ, سالاماتتى ءومىر سال­تىن ناسي­حا­ت­تاۋ, وقۋ­شىلاردىڭ دەنە دايارلىعىنىڭ دەڭ­گەيىن كوتەرۋ – قارۋلى كۇشتەردىڭ باستى ۇستا­نىمى.
جيىن شەڭبەرىندە جاستاردى سپورتقا ماشىقتاندىرۋ جانە ينتەل­لەكتۋالدىق قابىلەتىن ارت­تىرۋ ماقساتىندا تانىس­تى­­رى­لىمدار, كورمەلەر, اسكەري-قول­دانبالى سپورت تۇرلەرىنەن جارىستار وت­كىزىلەدى. ونىڭ نەگىزگى ماق­ساتى – جاستار­دىڭ بويىندا پاتريوتتىق سەزىمدى وياتۋ, قازاقستان تاريحى بويىنشا بىلىم­دەرى مەن شىعارماشىلىق ىنتالا­رىن انىقتاۋ, تانىم­دىق بەل­سەن­­دىلىگىن ارتتىرۋ, ينجە­نەر­لىك-تەحنيكالىق مىن­دەتتەردى ورىنداۋ قابىلەتى مەن دوس­تىق قارىم-قاتىناستا ارە­كەت ەتۋ­گە باۋلۋ, سالاماتتى ءومىر سالتىن ۇستانۋعا بەيىمدەۋ. 
بۇرناعى جىلدارعا قاراعاندا, جارىس تۇرلەرىنە ايتارلىقتاي وز­گەرىستەر ەنىپ وتىر. جيىن باع­دارلاماسى «ەرۋديت» ينتەل­لەك­تۋالدىق ويىنى, «مەنىڭ روب­وتىم» روبوتەحنيكالىق كون­كۋر­سى, پنەۆ­ما­تيكالىق ۆينتوۆكا­دان اتۋ, بەل­تە­مىرگە تار­تىلۋ, اسكەري كروسس, كومان­دا­لىق پەي­نت­بول, مەگا-ارت «ايبىن داۋىسى» فەس­تي­­ۆالى, «World of tanks» كوم­پيۋ­تەرلىك ويىنىن قامتيدى.
«ايبىن» جيىنى جاس­تار ءۇشىن وتان­سۇي­گىشتىكتىڭ, دوس­تىق­تىڭ جانە تۇلعا بولىپ قا­لىپ­تاسۋدىڭ شىنايى مەكتەبى. ءبىز – بىرلىك تۋىن بەرىك ۇستاعان, بار­شاعا ۇلگىلى كوپۇلتتى ەلمىز. سوندىقتان دا مەملەكەت ءۇشىن جاس­تارعا رۋحاني-ادامگەرشىلىك تار­بيە بەرۋ جانە شىن مانىندەگى پاتريوتتى دايىنداۋ وتە ماڭىز­دى. بۇل ءوز كەزەگىندە مەملەكەت­كە جاس­تاردى پاتريوتتىق تار­بي­ەلەۋدىڭ جاڭا مودەلىن قا­لىپ­تاستىرۋعا كومەكتەسەدى. اسكەري-پاتريوتتىق ۇيىمدار قوزعالىستارىنىڭ جۇمىسىن جان­داندىرىپ, جاستاردى قا­زاقستاندىق وتانشىلدىققا تار­بيە­لەۋگە باعىتتالعان جوبالاردى ىسكە اسىراتىن بولادى.

مۇحامەدجان تالاسوۆ,
گەنەرال-مايور, باس شتاب باستىعىنىڭ ورىنباسارى – قازاقستان رەسپۋبليكاسى 
قارۋلى كۇشتەرى باس شتابى تاربيە جانە يدەولوگيالىق جۇمىستار دەپارتامەنتىنىڭ باستىعى