ۇيىمداستىرۋشىلاردىڭ ايتۋىنشا, بالالار «ونەر», «عىلىم», «الەم جانە مادەنيەت» سياقتى بىرنەشە باعىتتا جۇمىس ىستەيدى. ولار مەكتەپتىڭ, ەل مەن الەمنىڭ دامۋ جولدارىن ءارتۇرلى راكۋرستاردا قاراپ, سىني ويلاپ ءارى كرەاتيۆتى بولۋلارى قاجەت. سول ارقىلى بولاشاققا كوز سالۋ وقۋشىلاردىڭ وزدەرىن دە قىزىقتىرعان سىڭايلى. اقىر سوڭىندا ولار ەلۋ جىلدان كەيىنگى قۇربىلارىنا حات جازىپ تاستاپ كەتپەك.
وقۋشىلار وزدەرىنىڭ جەتەكشىلەرىمەن كوبىرەك ءارى ناقتى دەرەكتەر جيناۋ ماقساتىندا مەكتەپكە مامانداردى شاقىرادى, ادەبيەتتەردى وقيدى, جان-جاققا شىعادى. جيناعان مالىمەتتەرىن وڭدەپ, كومپيۋتەرگە باسادى. شەتەلدىك جانە وتاندىق جەتەكشىلەرىمەن جانە 11 سىنىپتىڭ ەرىكتىلەرىمەن جۇمىس ىستەگەن بالالار ماقالالارىن قازاق, اعىلشىن, ورىس تىلدەرىندە جازىپ, سۋرەت جانە بەينەماتەريالدارمەن تولىقتىرادى.
– جينالعان مالىمەتتەر كاپسۋلاعا ورنالاستىرىلىپ, مەكتەپتىڭ جاڭا عيماراتىنىڭ اۋلاسىنا كومىلەدى, ونى 50 جىلدان كەيىن اشىپ, وقىعاندار قازىرگى ادامداردىڭ قالاي ءومىر سۇرگەنىنەن حاباردار بولادى, – دەيدى مەكتەپ ديرەكتورى كۋلفاريدا رايسوۆا.
