الداعى ۋاقىتتا باعزى زامانداردان بۇگىنگى كۇنگە جەتكەن كونە قولجازبالار مەن سيرەك كىتاپتاردى تەرەڭنەن زەرتتەۋگە باسا نازار اۋدارىلماق. بۇل باعىتتاعى العاشقى قادام رەتىندە تۇرعىندار نازارىنا ەجەلگى قولجازبالار مەن سيرەك كىتاپتار ۇسىنىلدى. «ۇلت مۇراسى – ۇرپاق قازىناسى» اتتى كورمە اياسىندا 100-دەن استام بىرەگەي تۋىندى جيناقتالدى. شاعاتاي, اراب, پارسى, يۆريت قارپىندە جازىلعان كونە ەڭبەكتەر 17-18 جانە 19 عاسىرلاردى قامتيدى.
كورمەگە قويىلعان دۇنيەلەردىڭ دەنى «عىلىمي وردا» مەملەكەتتىك عىلىمي كىتاپحاناسىنىڭ قورىنان اكەلىنگەن. قۇندى قولجازبالاردىڭ قاتارىندا حاكىم ابايدىڭ ولەڭدەرى, عۇلاما ءماشھۇر ءجۇسىپ كوپەەۆتىڭ جازبالارى, جاياۋ مۇسا بەركىمباەۆ, مۇحتار اۋەزوۆتىڭ قولجازبالارى, سونىمەن قاتار, ابىلاي حاننىڭ ءسىبىر گەنەرال پورۋچيگى يۆان شپرينگەرگە جازعان حاتى بار. قوجا احمەت ءيااسساۋيدىڭ اتاقتى «دانالىق كىتابى» مەن يۆريت تىلىندەگى مويسەيدىڭ تورا كىتابى دا جۇرتشىلىقتىڭ قىزىعۋشىلىعىن تۋدىردى.
- ءبىز ۆاتيكان ءارحيۆىن بىلەمىز. ۆەنەتسيا ءارحيۆىن بىلەمىز. بىزگە دە قاتىستى كوپتەگەن دەرەكتەردى سول جەردەن الىپ كەلدىك. قازىرگى كەزدە وزدەرىڭىز كورىپ وتىرعانداي, 7 نەمەسە 13-15 عاسىرلاردا سيرەك كىتاپتاردىڭ قولجازبالارى بۇگىن, مىنەكي, ورتالىققا جيناستىرىپ, حالىققا كورسەتىپ جاتىرمىز. بۇل ءبىزدىڭ كەلەشەك ۇرپاعىمىزعا كەرەك, - دەدى قر مادەنيەت جانە سپورت مينيسترى ارىستانبەك مۇحامەدي ۇلى.
