جيىنعا ليۋكسەمبۋرگ پرەمەر-ءمينيسترى كساۆە بەتتەل قاتىستى. ەلىمىزدە جۇمىس ساپارىمەن جۇرگەن مەيمان كوپۇلتتى مادەنيەتىمىزبەن جاقىنىراق تانىسقانىن ايتتى.
ايتا كەتەرلىگى, 1992 جىلدىڭ 29 ماۋسىمىندا ەكى ەل اراسىندا ديپلوماتيالىق قارىم-قاتىناس ورنادى. وتكەن جىلدىڭ قورتىندىسى بويىنشا ەكى ەل اراسىنداعى ساۋدا اينالىمى 60 پايىزعا ءوسىپ, 18 ملن دوللاردان استى. ليۋكسەمبۋرگ قازاقستانعا كولىك قۇرالدارىن, ەلەكتر تەحنيكالىق جابدىقتار, توقىما ماتالارى مەن مەتالل ەكسپورتتايدى.
- قازاقستانمەن 25 جىل بويى قارىم-قاتىناسىن نىعايتىپ كەلگەن ليۋكسەمبۋرگتىڭ استانادا بۇرىن ءوز كونسۋلدىعى بولماعان ەدى. بۇگىنگى جيىنعا ەكى ەلدىڭ ەكونوميكاسى مەن ىشكى قاۋىپسىزدىگىنە جاۋاپتى لاۋازىمدى تۇلعالاردىڭ قاتىسقانى اشىلۋ ءراسىمىنىڭ قانشالىقتى ماڭىزدى ەكەنىن كورسەتەدى. ءوز باسىم بۇل كونسۋلدىققا ءجيى كەلىپ, ەلدىڭ ءتۇرلى قۇرىلىمدارىنىڭ وكىلدەرىمەن ءجيى كەزدەسىپ تۇرۋعا تىرىسامىن. ءبىز بۇل جەردە ورتاق باستامالار مەن جوبالاردى ىسكە اسىراتىن بولامىز, - دەدى قازاقستانداعى ليۋكسەمبۋرگتىڭ توتەنشە جانە وكىلەتتى ەلشىسى جان-كلود كنەبەلەر.
