جاس جۇرەكتەر ءلۇپىلى

تاۋەلسىزدىك – كيەلى ۇعىم جانە ەكىنىڭ بىرىنە بۇيىرا بەرمەيتىن باق. ونىڭ قازاقستاندىقتار ۇعىمىندا قالىپتاسقانىنا دا 20 جىل. جىل بويى وڭىردەگى اۋدان, قالا مەن ەلدى مەكەندەردە جاس­تاردىڭ دۇرمەكتى كەزدەسۋلەرى, فورۋمدارى جالعاسىن تاۋىپ كەلەدى. ءبىرىن-ءبىرى قايتالامايتىن باسقوسۋلاردا جاستاردىڭ وتانعا دەگەن جىگەرى, سۇيىسپەنشىلىگى ارناسىنان اسىپ, توگىلۋدە. وسىنداي جاس­تار فورۋمى ەسكەلدى اۋدانىنىڭ قارابۇلاق كەنتىندە وتكىزىلدى. «ەل مەن جەردى قۇرمەتتەۋ – ازاماتتىق پارىز!» تاقى­رى­بىن­داعى جيىندا ەلىمىزدىڭ ءانۇرانى اسقاقتاپ, مەملەكەتتىك تۋىمىز بيىككە كوتەرىلدى. جاستاردىڭ «جاساي بەر, جايناي بەر – جاڭا قازاقستان!», «گۇلدەنە بەر, مەنىڭ قازاقستانىم!» كورنەكىلىكتەرى جينالعاندار نازارىن اۋداردى. قىزىعارلىعى – «نۇر وتان» حدپ-نىڭ «جاس وتان» جاستار قاناتى اۋداندىق ۇيى­مى­نىڭ جەتەكشىسى ينديرا اسانوۆا بۇگىنگى ءتاۋ­ەلسىزدىك تۋى استىندا تىنىستاعان قۇربى-قۇرداستارىنىڭ ءبا­سە­كەگە قابىلەتتى ءبىلىم الىپ, ماماندىق مەڭگەرۋىنە بارلىق جاع­داي جاسالعانىن ايتتى. ءدال وسىنداي جاستار سيمپوزيۋمى قاراتال اۋدانىنىڭ ءۇش­تو­بە قالاسىندا جالعاسىپ, «مەملەكەتتىك رامىزدەر – ەل بەلگىسى, ۇلت ماقتانىشى» تاقىرىبىنداعى ءىس-شارادا ەلىمىزدىڭ رامىزدەرىن قۇر­مەتتەۋ سەزىمى, ەلجاندىلىق قاسيەت جاستىق جالىنمەن استا­سىپ, بارشانىڭ مەرەيىن تاسىتتى. بۇگىنگى جاستار ءبىلىمدى, ءارى قوعامنىڭ دامۋىنا ءۇن قوساتىن تالاپشىل. حالىق كوپ جينالعان الاڭداعى اسقاقتاعان اسەم ءان مەن كۇم­بىر­لە­گەن كۇي كوڭىلدەردى سۋسىنداتىپ, بەيبىت ەلدىڭ اسپانىندا قالىقتادى. كۇمىسجان بايجان. الماتى وبلىسى.