دانەش ەسىمى ەل ەسىندە

جەتىسۋدىڭ جازيرالى مەكەنى – جاركەنت جەرىنەن شىققان ەلىمىزگە تانىمال تۇلعالار جەتكىلىكتى. سولاردىڭ ءبىرى – ءداستۇرلى ورىن­داۋشىلىق شەبەرلىگىمەن كۇمىس­كومەي ءانشى اتانعان قازاق­ستان­نىڭ حالىق ءارتىسى دانەش راقى­شەۆ. ءان الەمىندە وزىندىك ورنى بار ءانشى سوڭىنا وشپەس مۇرا قالدىرعان. سوندىقتاندا «ءان كوگىندەگى سونبەس كۇن» تاقىرى­بىندا دانەش راقىشەۆتى ەسكە الۋ كەشىنە الىس-جاقىننان ونەر­دەگى تانىمال تۇلعالار جينالدى. قازاق ونەرىنىڭ قازىناسىنا مول مۇرا قالدىرعان ءانشى جايلى پانفيلوۆ اۋدانىنىڭ اكىمى ەرمەك كەلەمسەيىت مازمۇندى بايانداما جاسادى. كەشتە ءانشىنىڭ 85 جاسقا تولۋى قۇرمەتىنە ۇيىمداس­تى­رىلعان «ءان سالساڭ, دانەشتەي سال» بايقاۋىنىڭ قورىتىندىسى شىعارىلىپ, باس جۇلدەنى تالدى اۋىلىنىڭ ءانشىسى ەرىك ءنۇسىپ­بەكوۆ يەلەندى. سونداي-اق, سپورت ءتۇر­لەرىنەن وتكىزىلگەن جارىس­تارداعى تابىستارى ءۇشىن «داۋلەت جاركەنت» سپورت كلۋبىنىڭ ۇجى­مى ءبىرىنشى, ارداگەرلەر كومان­داسى ەكىنشى, كوكتالدىق فۋتبول­شى­لار ءۇشىنشى ورىندى جەڭىپ الدى. انشىگە ارنالعان ارناۋ جىر­لار دا از بولمادى. حالىق­ارالىق الاش سىيلىعىنىڭ يەگەرى, اقىن ورازاقىن اسقار, تاعى باسقالار­دىڭ تەرەڭ تولعانىستارى ءانشى ارۋاعىن اسقاقتاتتى. كۇمىسجان بايجان. الماتى وبلىسى.