«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى» تۋرالى قر زاڭىنا جانە قر ۇكىمەتىنىڭ 2011 جىلعى 12 مامىرىنداعى «قازاقستان رەسپۋبليكاسىنىڭ اۋە كەڭىستىگىن پايدالانۋ ەرەجەلەرىن بەكىتۋ تۋرالى» №506 قاۋلىسىنا ساي اۋە كەڭىستىگىنە درونداردى ۇشىرۋعا شەكتەۋ قويىلىپ وتىر.
ەگەر رۇقسات ەتىلمەگەن فاكتىلەر انىقتالاتىن بولسا قر اۋە كەڭىستىگىن پايدالانۋ ەرەجەسىنە ساي ءتيىستى تەرگەپ-تەكسەرۋ جۇمىستارى جۇرگىزىلەدى.
قۇقىق بۇزعاندار اكىمشىلىك جازاعا تارتىلادى. جەكە تۇلعالار ءۇشىن 10 اەك بويىنشا 22. 690 تەڭگە, لاۋازىمدى تۇلعالارعا 20 اەك بويىنشا, ياعني 45.380 تەڭگە كولەمىندە ايىپپۇل سالىنادى.
ەلوردالىق ءتارتىپ ساقشىلارى كورمە اۋماعىنىڭ اۋە كەڭىستىگىندە, ياعني شەكتەۋ قويىلعان اۋماقتا ۇشقىشسىز ۇشاتىن اپپاراتاردى رۇقساتسىز قولدانباق بولعان 4 فاكتىنىڭ الدىن الدى. اتالعان فاكتىلەر بويىنشا اكىمشىلىك ماتەريال ازىرلەنىپ, قۇزىرلى ورگانداردىڭ قاراۋىنا جىبەرىلدى.
ماماندار قالا تۇرعىندارى مەن قوناقتارىنان, باق وكىلدەرى مەن بلوگەرلەردەن قر ۇشقىشسىز ۇشاتىن اپپاراتتاردى قولدانۋ تۋرالى زاڭناما تالاپتارىنىڭ بۇزىلۋىنا جول بەرمەۋلەرىن شاقىرۋدا.
