ءدال وسى كۇندەرى الماتىنىڭ ورتالىق كوشەلەرىندە الىپ قۋىرشاقتار ءجۇر. ويتكەنى, الەمنىڭ ءار تۇكپىرىندەگى تانىمال قۋىرشاق تەاترلارى ءى دۇنيەجۇزىلىك قۋىرشاق كارناۆالىنا قاتىسۋ ءۇشىن الماتىعا كەلگەن.
ءى دۇنيەجۇزىلىك قۋىرشاق كارناۆالىنىڭ قازاقستاندا ءوتۋىنىڭ دە ءوز ءجونى بار. ەگەر وقىرماندارىمىزدىڭ ەسىندە بولسا, وتكەن جىلى الماتى قالاسىنداعى مەملەكەتتىك قۋىرشاق تەاترىنىڭ «قاڭباق شال» اتتى قويىلىمى پراگا قالاسىندا وتكەن XIV دۇنيەجۇزىلىك قۋىرشاق ونەرى فەستيۆالىنىڭ باس جۇلدەسىن جەڭىپ العان بولاتىن. وسىلايشا ەلىمىز ءى دۇنيەجۇزىلىك قۋىرشاقتار كارناۆالىن وتكىزۋگە قول جەتكىزدى.
الماتى قالاسىن قۋىرشاق ونەرىنىڭ ورداسىنا اينالدىرعان اۋقىمدى مادەني شارانى وتكىزۋگە الماتى قالاسىنىڭ اكىمدىگىنەن باستاپ, مەملەكەتتىك قۋىرشاق تەاترى, دۇنيەجۇزىلىك قۋىرشاقشىلار اسسوتسياتسياسى جانە «Tanaris» كينوكومپانياسى اتسالىسىپ وتىر.
سونىمەن كارناۆالدا شۆەيتساريا, پورتۋگاليا, فرانتسيا, گەرمانيا, يران, چيلي, نورۆەگيا, رەسەي, يسپانيا, اقش, يتاليا, رۋمىنيا, ۋكراينا, پەرۋ, ارمەنيا جانە ت.ب. ەلدەردەن كەلگەن قۋىرشاق تەاترلارى توعىسىپ وتىر.
مۇنداي سالماقتى شارا كەزدەيسوق ۇيىمداستىرىلىپ وتىرعان جوق. «الماتى-2011 دۇنيەجۇزىلىك قۋىرشاق كارناۆالى» ەل تاۋەلسىزدىگىنىڭ 20 جىلدىق مەرەيتويىنا ارنالعان.
الماتى كوشەلەرىندە كەتىپ بارا جاتقان الىپ قۋىرشاقتار, قىزىل-جاسىلدى كيىنگەن ەرتەگى كەيىپكەرلەرى قالا تۇرعىندارىن ەلەڭدەتىپ, بالالاردى ەلىتتى. ءوز ارتىستەرىمىز شەتەلدىك ارىپتەستەرىمەن بىرىگىپ, كوشەدە حالىقتى بالالىق شاققا شاقىردى. ال كۋبا دەلەگاتسياسىنىڭ سالسو بيلەرى كوپشىلىكتىڭ دەلەبەسىن قوزدىرىپ, كارناۆالدى قىزىقتى ەتە ءتۇستى.
سونىمەن «ءومىر مەرەكەسى» ۇرانىمەن وتكىزىلىپ جاتقان بۇل شارا كۇزدىڭ سالقىن كۇندەرىنە جىلىلىق سىيلاپ جاتقان جايى بار. كارناۆال باعدارلاماسىنا حالىقارالىق قۋىرشاق تەاترلارى فەستيۆالى, حالىقارالىق قۋىرشاق فيلمدەرى فەستيۆالىنىڭ سالتاناتتى شەرۋى, سونداي-اق بالالار ۇيلەرى مەن قارتتار ۇيلەرى جانە ەمدەۋ مەكەمەلەرى ءۇشىن قايىرىمدىلىق شارالارىن ۇيىمداستىرۋ ەنگىزىلگەن.
ەڭ ماڭىزدى وقيعا 1 قازاندا قازاقستاننىڭ تۇڭعىش پرەزيدەنتى اتىنداعى ساياباقتان باستاۋ الادى. ول كۇنى ساياباق 21 ەلدەن كەلگەن قۋىرشاقتاردىڭ قاتىسۋىمەن اسپان استىنداعى ۇلكەن ساحنا الاڭىنا اينالادى.
ءبىر ايتا كەتەتىن ءجايت, 25 قىركۇيەك پەن 2 قازان ارالىعىندا الماتى قالاسى مەملەكەتتىك قۋىرشاق تەاترى عيماراتىندا جانە «Artيشوك» تەاترىندا حالىقارالىق قۋىرشاق تەاترلارى فەستيۆالى وتۋدە. وندا بالالارعا دا, ەرەسەكتەرگە دە ارنالعان قويىلىمدار كورسەتىلسە, ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ كينوزالىندا حالىقارالىق قۋىرشاق فيلمدەرى فەستيۆالى ءوتىپ جاتىر.
ايناش ەسالي.
الماتى.
