ايتا كەتەرلىگى, بۇگىن كەشكىسىن وتەتىن حالىقارالىق مامانداندىرىلعان كورمەنىڭ سالتاناتتى اشىلۋ راسىمىنە 17 ەلدىڭ مەملەكەت جانە ۇكىمەت باسشىلارى قاتىساتىن بولادى.
قازىرگى ۋاقىتقا دەيىن استاناعا سەربيا پرەزيدەنتى الەكساندر ۆۋچيچ, ليۋكسەمبۋرگ ۇلى گەرتسوگتىگىنىڭ پرەمەر-ءمينيسترى كساۆە بەتتەل كەلگەن ەدى.
بۇعان دەيىن حابارلاعانىمىزداي, ەلورداعا شانحاي ىنتىماقتاستىق ۇيىمى سامميتىنە قاتىسۋ ءۇشىن اۋعانستان پرەزيدەنتى اشراف گاني احمادزاي, موڭعوليا پرەزيدەنتى تساحياگين ەلبەگدورج, قحر توراعاسى سي تسزينپين, وزبەكستان پرەزيدەنتى شاۆكات ميرزيەەۆ, پاكىستان پرەزيدەنتى مامنۋن حۋسەين, رەسەي پرەزيدەنتى ۆلاديمير پۋتين, تاجىكستان پرەزيدەنتى ەمومالي راحمون, بەلارۋس پرەزيدەنتى الەكساندر لۋكاشەنكو, قىرعىزستان پرەزيدەنتى المازبەك اتامباەۆ كەلدى. شىۇ ءسامميتى بارىسىندا پاكىستان مەن ءۇندىستان اتالعان ۇيىمعا مۇشەلىككە قابىلدانادى دەپ كۇتىلۋدە. وسىلايشا, شىۇ جەر تۇرعىندارىنىڭ 40 پايىزىن, الەم ەكونوميكاسىنىڭ شامامەن ۇشتەن ءبىرىن قامتيتىن بولادى. بۇگىندە ۇيىمعا رەسەي, قىتاي, قازاقستان, قىرعىزستان, تاجىكستان جانە وزبەكستان ەلدەرى مۇشە. قازىرگى ۋاقىتتا شىۇ توراعاسى - قازاقستان. بۇگىنگى سامميت بارىسىندا توراعالىق قىتاي تاراپىنا وتەدى.
