وسى رەتتە وسكەمەندە ورازا ايىندا قولعا الىنعان وڭدى باستاما تۋرالى ايتا كەتۋدىڭ ورايى كەلىپ تۇرعان سەكىلدى. بىلتىر قالاداعى شىعىس قازاقستان وبلىستىق «حاليفا التاي» مەشىتىنىڭ مۇرىندىق بولۋىمەن ەلىمىزدە العاش رەت «يمام تاكسي» جوباسى ىسكە قوسىلعان ەدى. بۇل جوبا بيىل دا ءوز جالعاسىن تاۋىپ وتىرعانى قۋانتادى.
«قازىرگى تاڭدا وبلىستىق «حاليفا التاي» مەشىتى باستاعان وسكەمەن قالاسىنداعى مەشىتتەردىڭ يمام-مولدالارى مەن ۇستازدارىنان جانە ەرىكتى جاماعاتتان قۇرالعان 60-قا تارتا كولىك تاراۋيح نامازىنان شىققان تۇرعىنداردى تەگىن تاسىمالداپ ءجۇر. ولاردىڭ قاتارىندا 2-3 جەڭىل اۆتوبۋستار دا بار. باستاما حالىقتىڭ كوڭىلىنەن شىعىپ وتىر», دەيدى قازاقستان مۇسىلماندارى ءدىني باسقارماسى وسكەمەن ايماعىنىڭ وكىل يمامى ەرمەك قاجى مۇقاتاي.
ازامات قاسىم,
«ەگەمەن قازاقستان»
وسكەمەن
