جالپى, اقمولا وبلىسى بويىنشا يندۋستريالاندىرۋ كارتاسىنا 12,3 مىڭ ادامدى تۇراقتى جۇمىس ورىندارىمەن قامتيتىن قۇنى 782,5 ملرد تەڭگە بولاتىن 90 جوبا ەڭگىزىلگەن. بۇل رەتتە رەسپۋبليكالىق يندۋستريالاندىرۋ كارتاسىندا 2 جوبا قاراستىرىلعاندىعىن اتاي كەتكەن ورىندى. سونىڭ ءبىرىنشىسى قۇنى 13,1 ملرد تەڭگەلىك «قازاتومونەركاسىپ» كۇكىرت قىشقىلى زاۋىتى بك» جشس بولسا, ەكىنشىسى قۇنى 459,3 ملرد تەڭگەگە جۇزەگە اسىرىلعان «ماسالسكي گوك» جشس. مەملەكەت باسشىسى ن.نازارباەۆتىڭ 2017 جىلدىڭ 31 قاڭتارىنداعى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىندا جاڭادان اشىلعان جۇمىس ورىندارىنىڭ سانى بۇرىنعىشا ۇكىمەت پەن اكىمدەر قىزمەتىنىڭ تيىمدىلىگىن باعالاۋدىڭ نەگىزگى كريتەريىنىڭ ءبىرى بولاتىنى ەرەكشە اتالعان. وسىعان سايكەس وڭىردە ءوندىرىس وشاقتارىن سالۋ, جاڭا جۇمىس ورىندارىن اشۋ قىزۋ جۇرگىزىلىپ جاتىر. وبلىس اكىمى مالىك مىرزالين جاڭا جۇمىس ورىندارىن اشۋ ىسىنە ەرەكشە ىقىلاس قويىپ, ناقتى جۇمىستار اۋقىمىن ايقىنداپ بەردى.
بۇل ورايدا وڭىرلىك كاسىپكەرلىكتى قولداۋ كارتاسىنا سايكەس 9,4 مىڭ ادامدى تۇراقتى جۇمىس ورىندارىمەن قامتاماسىز ەتەتىن قۇنى 310 ملرد تەڭگەلىك 88 جوبا جۇزەگە اسىرىلۋدا. 2017 جىلدىڭ 1 مامىرىنا قاراستى 6,8 مىڭ تۇراقتى جۇمىس ورىندارىن اشۋعا مۇمكىندىك بەرگەن قۇنى 158,8 ملرد تەڭگەلىك 72 جوبا ىسكە قوسىلعان.
ال يندۋستريالىق-يننوۆاتسيالىق دامۋ باعدارلاماسىنىڭ ەكىنشى بەسجىلدىعى شەڭبەرىندە (2015-2019 جىلدار) 7,1 مىڭ تۇراقتى جۇمىس ورنىن قۇرۋعا مۇمكىندىك بەرەتىن قۇنى 661 ملرد تەڭگەلىك 41 جوبا ىسكە اسىرىلۋدا. ۇستىمىزدەگى جىلدىڭ 1 مامىرىنا قاراستى جوسپارلى قۋاتىن يگەرۋ بويىنشا 39 جوبانىڭ ورىندالۋى 90 جانە ودان جوعارى پايىزعا جەتىپتى. ال 21 جوبانىڭ ورىندالۋى 50 مەن 90 پايىزدى قۇراسا, ال 5 جوبانىڭ 50 پايىزعا ورىندالعان.
ىسكە اسىرىلعان جوبالاردىڭ ناتيجەسىندە 2017 جىلدىڭ قاڭتار-ساۋىرىندە وندىرىلگەن ءونىم كولەمى 82,8 ملرد تەڭگەگە جەتتى. بۇل ورايدا ءونىمىنىڭ 50,5 پايىزى يندۋستريالاندىرۋ كارتاسى بويىنشا ىسكە قوسىلعان كاسىپورىندار تاراپىنان شىعارىلعان, ال قايتا وندەۋ ونەركاسىبىنىڭ ۇلەسى 57,5 پايىزعا جەتكەن. 2017 جىلدىڭ قاڭتار-ناۋرىزىندا يندۋستريالاندىرۋ كارتاسىنا قاتىسۋشى-كاسىپورىندار تاراپىنان مەملەكەتتىك بيۋدجەتكە 9 ملرد تەڭگە كىرىس كىرسە, ول جالپى سالىقتىق تۇسىمدەردىڭ 28,5 پايىزىن قۇراپ وتىر. قازىرگى كەزدە كوپتەگەن كاسىپورىندار وزدەرىنىڭ ءوندىرىس كولەمىن ارتتىرۋعا مۇددەلىلىك تانىتۋدا. اتاپ كورسەتكەندە, مينەرالدى شيكىزاتتى قايتا وڭدەيتىن التىن وڭدەۋ فابريكاسى «ينۆەست-رت» جشس (ستەپنوگور قالاسى) شيكىزات وڭدەۋ كولەمىن 108 مىڭ تونناعا دەيىن ارتتىرۋدى مەجەلەپ وتىر. بۇدان باسقا, «SAMHAT» جشس (تسەلينوگراد اۋدانى) اياق كيىم ءوندىرىسى جەلىسىن قوسىپ, اياق كيىم تىگۋ كولەمىن 500 مىڭ پارعا جەتكىزۋدى كوزدەۋدە. ال «پو «كوكشە-تسەمەنت» جشس تسەمەن زاۋىتىن سالىپ, 2 ملن توننا ءونىم ءوندىرۋدى قولعا الدى. ءوز كەزەگىندە «BIOTRON GROUP» جشس (ستەپنوگور قالاسى) اۋىلشارۋاشىلىق مالدارىنا ارناپ ۆاكتسينا شىعارۋدى 1 ملن دوزاعا دەيىن شىعارۋدى جوسپارلاپ قويعان. «كازاحالتىن Technology» جشس (ستەپنوگور قالاسى) اقسۋ كەن ورنىندا التىن وندەۋ فابريكاسىن سالماق.
وسىلايشا وڭىردە يندۋستريانى دامىتۋ ارقىلى جۇمىسپەن قامتۋدىڭ جانە ازاماتتاردىڭ ناقتى تابىسىن ارتتىرۋدىڭ جولدارى جان-جاقتى ەكشەلىپ, ىسكە اسىرىلۋدا.
اسقار تۇراپباي ۇلى,
«ەگەمەن قازاقستان»
اقمولا وبلىسى
