باسقوسۋدا مەملەكەتتىك حاتشى ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىنا سايكەس يننوۆاتسيالىق قىزمەت ناتيجەلەرى وندىرىسكە ەنگىزىلۋگە ءتيىس ەكەنىن جانە بۇل ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىقتى بەرۋگە قويىلاتىن تالاپتاردىڭ ءبىرى بولىپ تابىلاتىنىن اتاپ ءوتتى.
مەملەكەت باسشىسى «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا اتاپ وتكەندەي, ءبىز اشىق بولىپ, ەڭ وزىق جەتىستىكتەردى بويعا سىڭىرە ءبىلۋىمىز قاجەت.
قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعى – عىلىم مەن تەحنيكا قايراتكەرلەرىنىڭ قوعام مەن مەملەكەت الدىنداعى ەڭبەگىنىڭ جوعارى دەڭگەيدە مويىندالۋىنىڭ بەلگىسى.
قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى 2017 جىلعى مەملەكەتتىك سىيلىعىنا ۇمىتكەرلەردەن 24 جۇمىس كەلىپ ءتۇستى. سەكتسيالاردىڭ ۇسىنىمدارى مەن مەملەكەتتىك عىلىمي-تەحنيكالىق ساراپتاما قورىتىندىلارى قارالدى.
كوميسسيا وتىرىسىنىڭ قورىتىندىسى بويىنشا قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعىن الۋعا ۇسىنىلعان جۇمىستاردىڭ الدىن الا ىرىكتەۋدەن وتكەن تىزبەسى بەكىتىلدى. بۇل تىزبە قوعامدا كەڭىنەن تالقىلاۋ ءۇشىن «ەگەمەن قازاقستان» مەن «كازاحستانسكايا پراۆدا» گازەتتەرىندە جاريالانادى.
سەكتسيالار جەتەكشىلەرىنە ەكىنشى كەزەڭدە كوميسسيا وتىرىسىندا ايتىلعان ۇسىنىستاردى, بۇقارالىق اقپارات قۇرالدارىنداعى تالقىلاۋلاردى ەسكەرە وتىرىپ, الدىن الا ىرىكتەۋدەن وتكەن جۇمىستاردى قاراۋ تاپسىرىلدى.
ءال-فارابي اتىنداعى عىلىم مەن تەحنيكا سالاسىنداعى 2017 جىلعى مەملەكەتتىك سىيلىقتىڭ اقشالاي مولشەرى – 18,6 ميلليون تەڭگە.
