سەنات توراعاسى سينگاپۋرلىق پارلامەنتشىلەرگە مەملەكەتتەر باسشىلارى ن.نازارباەۆ پەن لي كۋان يۋ نەگىزىن قالاعان ەكىجاقتى ىنتىماقتاستىقتىڭ قارقىندى دامىپ كەلە جاتقانىن اتاپ ءوتتى.
قازاقستان پارلامەنتى جوعارعى پالاتاسىنىڭ باسشىسى سينگاپۋردىڭ ەكسپو-2017 حالىقارالىق كورمەسىنە بەلسەندى قاتىسۋىن جوعارى باعالادى جانە وسى ەلدىڭ ەنەرگيانىڭ بالاما كوزدەرىن پايدالانۋداعى جەتىستىكتەرىن اتاپ ءوتتى.
اڭگىمە بارىسىندا ساۋدا-ەكونوميكالىق, ينۆەستيتسيالىق ىنتىماقتاستىق جانە جاڭا تەحنولوگيالار مەن يننوۆاتسيا سالاسىنداعى ءوزارا ەكىجاقتى بايلانىستى كەڭەيتۋ ماسەلەلەرى تالقىلاندى. سەنات توراعاسى بىرلەسكەن جوبالاردى ىسكە اسىرۋ ءۇشىن ەكسپو نەگىزىندە اشىلاتىن جاسىل تەحنولوگيالار مەن «استانا» حالىقارالىق قارجى ورتالىقتارىن پايدالانۋعا بولادى دەپ سانايدى.
ق. توقاەۆ سينگاپۋرلىق ينۆەستورلار ءۇشىن قازاقستان نارىعى الەۋەتىنىڭ تارتىمدىلىعى ارتا تۇسكەنىنە نازار اۋداردى. استانا سينگاپۋر مەن ەۋرازيالىق ەكونوميكالىق وداق اراسىنداعى ەركىن ساۋدا تۋرالى كەلىسىمىن بەكىتۋ جونىندەگى كەلىسسوزدەردى قولداپ كەلەدى.
سەنات توراعاسى «نۇرلى جول – بولاشاققا باستار جول» باعدارلاماسى مەن قىتايدىڭ ء«بىر بەلدەۋ, ءبىر جول» باستاماسىنىڭ اياسىندا ينفراقۇرىلىمدىق جانە كولىك جوبالارىن ىسكە اسىرۋعا بايلانىستى اۋقىمدى مۇمكىندىكتەردى اتاپ ءوتتى. «قازاقستان ەاەو, ورتالىق ازيا جانە ەۋروپا ەلدەرىنىڭ نارىقتارى جولىندا تاۋار مەن قىزمەت كورسەتۋگە ايماقتىق لوگيستيكالىق توراپقا اينالۋى ءتيىس», دەدى ول.
سونىمەن بىرگە, ق.توقاەۆ قازاقستاننىڭ تاعاتتى ساياساتى تۋرالى دا اڭگىمەلەدى جانە پرەزيدەنت نۇرسۇلتان نازارباەۆتىڭ الەمدىك جانە ءداستۇرلى دىندەر ليدەرلەرىنىڭ سەزىن شاقىرۋ جونىندەگى باستاماسىنا جان-جاقتى توقتالدى.
حاليما ياكوب ءوز كەزەگىندە جۇزگە جۋىق قازاقستاندىق كومپانيالار سينگاپۋرعا ينۆەستيتسيا اكەلگەنىن, بۇل قادام اۋقىمدى ينفراقۇرىلىمدىق جوبالاردى ىسكە اسىرۋعا بايلانىستى وسى ەلدىڭ كومپانيالارىنا جول اشاتىنىن ايتتى. سينگاپۋر پارلامەنتى ءتورايىمىنىڭ ايتۋىنشا, قارجى سەكتورى مەن كونسالتينگ قىزمەتىن كورسەتۋ سالالارى ءوز وتانداستارىنا باسىمدىققا يە بولۋ مۇمكىندىگى بار.
ح.ياكوب جىلى شىرايلى قابىلداۋعا ريزاشىلىق ءبىلدىردى جانە ق.توقاەۆتى ەكسپو-2017 حالىقارالىق كورمەسىندەگى سينگاپۋردىڭ ۇلتتىق پاۆيلونىنىڭ اشىلۋى سالتاناتىنا قاتىسۋعا شاقىردى.
