«بۇگىنگە دەيىن 24 000 مىڭ بيلەت ساتىلدى. تاعى دا 28 000 بيلەتتى الۋ جونىندە كەلىسىم-شارتتارعا قول قويىلدى», دەيدى وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسى باسشىسىنىڭ ورىنباسارى قارلىعاش بەكباەۆا.
ەل ومىرىندەگى ماڭىزدى وقيعانى تاماشالاۋعا مەكتەپ وقۋشىلارى مەن ستۋدەنتتەرى دە اسىق. وبلىستىق ءبىلىم بەرۋ باسقارماسىنىڭ باسشىسى نۇرساۋلە سايلاۋوۆا «بۇل ساپاردىڭ ماڭىزى ەرەكشە» دەگەن پىكىردە. ونىڭ ايتۋىنشا, استاناعا ءبىرىنشى بولىپ اتا-انا قامقورلىعىنسىز قالعان, از قامتىلعان وتباسىلاردىڭ بالالارى, وقۋ ۇزدىكتەرى مەن ءتۇرلى بايقاۋلاردىڭ جەڭىمپازدارى جىبەرىلەدى. مەكتەپ وقۋشىلارى مەن كاسىبي-تەحنيكالىق كوللەدج ستۋدەنتتەرىنىڭ استاناعا بارۋى ءۇشىن جەرگىلىكتى بيۋدجەتتەن ارنايى قارجى بولىنگەن. بالالاردىڭ العاشقى لەگى 9 ماۋسىمدا جولعا شىعادى.
اتىراۋ مۇناي جانە گاز ۋنيۆەرسيتەتىنىڭ 52 ستۋدەنتى مەن وقىتۋشىلارى 11 ماۋسىمدا, ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ 210 ستۋدەنتى مەن 60 قىزمەتكەرى 15 ماۋسىمدا ەلوردانى بەتكە الادى. كورمە بيلەتتەرىن الۋعا وڭىردەگى ءىرى كاسىپورىندار مەن كومپانيالار دا قىزىعۋشىلىق تانىتۋدا. مىسالى, «ەمبىمۇنايگاز» اق قىزمەتكەرلەرى ءۇشىن چارتەرلىك ساپار ۇيىمداستىرۋدى جوسپارلاپ وتىر.
«ەكسپو-2017 كورمەسى اياسىنداعى مادەني باعدارلاماعا مۇنايلى ايماقتىڭ ونەرپازدارى 16-20 ماۋسىم ارالىعىندا قاتىسادى. وعان 800-گە جۋىق مادەنيەت قىزمەتكەرى بارادى. ال اۋىل شارۋاشىلىعى جارمەڭكەسىندە كورمە قوناقتارى اتىراۋ بالىعىنان ءدام تاتادى. 1 قازانعا دەيىن «امانگەلدى» جشس-ءنىڭ 580 توننا بالىق ونىمدەرى جەتكىزىلەدى.
حالىقارالىق شارادا جۇمىس ىستەۋگە نيەت بىلدىرۋشىلەردەن 400 ءوتىنىش تۇسكەن. بىراق بەلگىلەنگەن كۆوتاعا سايكەس مۇنايلى ايماقتان 50 ەرىكتى عانا بارادى.
باقىتگۇل باباش,
«ەگەمەن قازاقستان»
